ავტორი:

თსუ-ის ბიბლიოთეკაში "ლიბერთინსის" ახალი წიგნის - "მოგზაურის" წარდგენა გაიმართა

თსუ-ის ბიბლიოთეკაში "ლიბერთინსის" ახალი წიგნის - "მოგზაურის" წარდგენა გაიმართა

თბილისის სახელმწიფო უნივერსიტეტის ბიბლიოთეკაში გამომცემლობა "პალიტრა L-ის" პროექტ "ლიბერთინსის" ახალი წიგნის - ალექსანდრა ბრაკენის "მოგზაურის" პრეზენტაცია გაიმართა.

ღონისძიებას სკოლის მოსწავლეები დაესწრნენ. ალექსანდრა ბრაკენის წიგნი მათ მწერალმა, ელის დოჯსონმა და პროექტის მენეჯერმა, გიორგი კიკაბიძემ წარუდგინეს.

ბიბლიოთეკაში ასევე გაიმართა "ლიბერთინსის" წიგნების გამოფენა-გაყიდვა, რომლის ფარგლებშიც, წიგნები სპეციალურ ფასად იყო ხელმისაწვდომი.

ალექსანდრა ბრაკენის წიგნის - "მოგზაური" მთავარი გმირი ნიჭიერი მევიოლინეა. ჩვიდმეტი წლის ეტა სპენსერი ვერც წარმოიდგენდა, რომ, მუსიკალური ტალანტის გარდა, სხვა, გაცილებით უნიკალური, მისტიკური უნარის პატრონიც აღმოჩნდებოდა. იდუმალი და ყოვლისშემძლე პიროვნება აირონვუდი გოგონას 21-ე საუკუნის ნიუ-იორკიდან, გარკვეული მისიით, სრულიად სხვა ეპოქაში გადაისვრის. ეტას მხსნელად ახალგაზრდა და მამაცი კაპიტანი ევლინება. ეტა და ნიკოლასი სხვადასხვა საუკუნესა და ქვეყანაში მოგზაურობისას, საკაცობრიო კითხვაზე პასუხის ძიებასთან ერთად, საკუთარი ურთიერთობის შეცნობასაც ცდილობენ.

წიგნის მთარგმნელია ირაკლი სულაძე, ხოლო ყდის მხატვარი - სანდრო სულაკაური.

წიგნი "ბიბლუსის" მაღაზიათა ქსელში უკვე ხელმისაწვდომია.

ვინ გახდნენ ლიტერატურული პრემია "საბას" გამარჯვებულები

მკითხველთა თხოვნით, სერია "ქართველი მეფეები" გრძელდება

“ქარ­თუ­ლი მო­ნე­ტე­ბის ოქ­როს კო­ლექ­ცია“  წიგ­ნ-ალ­ბომთან  ერთად 70%-იანი ფასდაკლებითაა ხელმისაწვდომი