როგორია კლინიკა, რომელიც უხანში კორონავირუსით დაავადებულთათვის 10 დღეში ააშენეს

ჩინეთის ქალაქ უხანში ადგილობრივებს მხოლოდ 10 დღე დასჭირდათ კორონავირუსით დაინფიცირებულთათვის განკუთვნილი საავადმყოფოს ასაშენებლად. კლინიკის მშენებლობა უკვე დასრულდა. ამის შესახებ BBC წერს.

ჩინეთის ხელისუფლების ცნობით, მშენებლობა 24 იანვარს დაიწყო, მშენებლობა და პაციენტების მისაღებად მოსამზადებელი სამუშაოები დასრულდა და მათ უკვე ორშაბათიდან, 3 თებერვლიდან მიიღებენ.. კლინიკა 1 000 პაციენტზეა გათვლილი.

მშენებლობის დაწყების დროს სხვადასხვა გამოცემები წერდნენ, რომ მისი დასრულება 10 დღეში იგეგმებოდა, რაც ბევრს წარმოუდგენლად მიაჩნდა.

ნახეთ ვიდეო, რომელშიც ასახულია დასრულებული კლინიკა, ასევე მისი მშენებლობისა და საჭირო ინვენტარით აღჭურვის პროცესი:

<iframe width="560" height="315" src="https://www.youtube.com/embed/WH3P8W6-w7o" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

ასევე, ჩინელებმა კორონავირუსით დაავადებულთათვის კიდევ ერთი საავადმყოფო გახსნეს. მათ უკვე აშენებულ შენობას რეკონსტრუქცია ორ დღეში ჩაუტარეს.

კორონავირუსს ბოლო მონაცემებით 305 ადამიანი ემსხვერპლა, მედიკოსებმა 348 ინფიცირებულის განკურნება შეძლეს, ხოლო 14 628 ადამიანი დაინფიცირებულია. ვირუსის ეპიცენტრი ჩინეთის ქალაქი უხანია, სადაც 23 იანვრის შემდეგ კარანტინია გამოცხადებული. 11 მილიონიანი ქალაქი ამ დრომდე ჩაკეტილია.

ხელისუფლების წარმომადგენლები ურჩევენ მოქალაქეებს, რომ სახლიდან არ გამოვიდნენ, ისინიც რეკომენდაციებს ითვალისწინებენ, სწორედ ამის გამო, უხანის ქუჩები ცარიელია, დაკეტილია მაღაზიები და სხვადასხვა დაწესებულებები.

კორონავირუსის შემთხვევები გამოვლინდა სხვადასხვა ქვეყნებში, მათ შორის, აშშ-ში, დიდ ბრიტანეთში, საფრანგეთში, გერმანიასა და იტალიაში.