ავტორი:

კორონავირუსით დაინფიცირებულმა ჩინელმა ქალმა ჯანმრთელი ბავშვი გააჩინა

კორონავირუსით დაინფიცირებულმა ჩინელმა ქალმა ჯანმრთელი ბავშვი გააჩინა

ჩინეთში, ხეილუნძიანის პროვინციაში, ქალაქ ხარბინში 30 იანვარს კორონავირუსით დაინფიცირებლმა ფეხმძიმე ქალმა ჯანმრთელი ბავშვი გააჩინა. ამის შესახებ ecns.cn წერს.

ხარბინის სამშობიარო კლინიკის მედიკოსთა ცნობით, ახალშობილი 3,05კგ-ს იწონის. რამდენიმედღიანმა სამედიცინო დაკვირვებამ აჩვენა, რომ დედისა და შვილის ჯანმრთელობის მდგომარეობა სტაბილურია.

38 კვირის ორსულ ქალს კორონავირუსის გამო რესპირატორული პრობლემები აღენიშნებოდა, ექიმებმა კომპლექსური დაკვირვებისა და სხვადასხვა გამოკვლევების შემდეგ საკეისრო ოპერაციის გაკეთება გადაწყვიტეს, რომელმაც 30 იანვარს წარმატებით ჩაიარა.

ამ დროისთვის გართულების თავიდან აცილების მიზნით, დედა-შვილი ერთმანეთისგან იზოლირებულნი არიან. ბავშვს რამდენჯერმე ჩაუტარდა შესაბამისი გამოკვლევა და ის კორონავირუსით დაინფიცირებული არ აღმოჩნდა.

ბოლო ინფორმაციით, კორონავირუსს 362 ადამიანი ემსხვერპლა, მედიკოსებმა 508 ინფიცირებულის განკურნება შეძლეს, ხოლო 17 408 ადამიანი დაინფიცირებულია. ვირუსის ეპიცენტრი ჩინეთის ქალაქი უხანია, სადაც 23 იანვრიდან კარანტინია გამოცხადებული და ქალაქი ჩაკეტილია. ვირუსი ჩინეთის ყველა პროვინციაში გავრცელდა, ასევე ის გავრცელდა მსოფლიოს მასშტაბით სხვადასხვა ქვეყანაში, მათ შორის, აშშ-ში, იტალიაში, დიდ ბრიტანეთში, გერმანიასა და საფრანგეთში.

როგორ შეცვალა მსოფლიოს ქალაქები კორონავირუსის შიშმა - Reuters-ის გასაოცარი ფოტოები

"დაკავდით რეგულარული სექსით და დიდხანს იცოცხლებთ“ - ექიმ ოზის რჩევა წყვილებს, რომლებმაც არ იციან რა გააკეთონ იზოლაციის დროს

ევროკომისიის პრეზიდენტი - სათანადოდ ვერ შევაფასეთ კორონავირუსი, ახლა აუცილებლად უნდა მივიღოთ ის ზომები, რაც ორი-სამი კვირის წინ სასტიკად გვეჩვენებოდა