ფოტოები სტამბოლის აეროპორტიდან, სადაც თვითმფრინავი ხევში გადავარდა და სამ ნაწილად გაიყო

სტამბოლის გოქჩენის აეროპორტში ავიაკომპანია "პეგასუსის" სამგზავრო თვითმფრინავი დაფრენის დროს ასაფრენ-დასაფრენ ბილიკზე მოცურდა და ხევში გადავარდა. BBC-ის ცნობით, შემთხვევის შედეგად 3 ადამიანი დაიღუპა, 179 კი დაშავდა.

"ევაკუირებული ადამიანებიდან 3 ინციდენტის დროს მიღებული ჭრილობების შედეგად გარდაიცვალა, მკურნალობას 179 ადამიანი გადის,“- აცხადებს თურქეთის ჯანდაცვის მინისტრი ფაჰრეტინ კოჩა.

ინციდენტი გუშინ მოხდა. "პეგასუსის“ კუთვნილი თვითმფრინავი "ბოინგ 737-800“ ასაფრენ დასაფრენ ბილიკზე მოცურდა, შედეგად ხევში გადავარდა, სამ ნაწილად გაიყო და შემდეგ ცეცხლი გაუჩნდა. თვითმფრინავი იზმირი-სტამბოლის რეისს ასრულებდა.

ნახეთ შემთხვევის ამსახველი ფოტოები:

კატასტროფის ამსახველი პირველი ვიდეოკადრები