ავტორი:

რას ჰყვება ბრიტანელი მამაკაცი, რომლისგანაც კორონავირუსით 11 ადამიანი დაინფიცირდა, თვითონ კი სრულად გამოჯანმრთელდა

რას ჰყვება ბრიტანელი მამაკაცი, რომლისგანაც კორონავირუსით 11 ადამიანი დაინფიცირდა, თვითონ კი სრულად გამოჯანმრთელდა

ბრიტანელ სკაუტს, სტივ უოლშს კორონავირუსი დაუდგინდა, თუმცა რადგანაც მედიკოსებმა დიაგნოზი სიმპტომების გამოვლენამდე დასვეს, მისი განკურნება დიაგნოზის დასმიდან 5 დღეში მოხერხდა.

მას შემდეგ, რაც სტივთან დაახლოებულ ადამიანებს ინფექციის ნიშნები აღმოაჩნდათ, მედიკოსებს გაუჩნდათ ეჭვი, რომ ის დაავადების მატარებელი იყო და ვირუსს ავრცელებდა. სწორედ ამიტომ, კლინიკაში გადაიყვანეს, ხოლო მას შემდეგ, რაც კორონავირუსი დაუდასტურდა, კარანტინში მოათავსეს.

დასავლური მედიის წარმომადგენლებმა მასთან გასაუბრება საავადმყოფოში შეძლეს. სტივის თქმით, იმ ადამიანებზე ფიქრობს, რომლებსაც ვირუსი გადასდო. ის ამბობს, რომ სიფრთხილის გამოჩენის მიზნით, მისი ოჯახის წევრებიც იზოლირებულნი არიან და საზოგადოებასთან, ადამიანებთან არ ურთიერთობენ.

როგორ BBC წერს, უოლში ვირუსით სინგაპურში დაავადდა, სადაც კონფერენციაზე იმყოფებოდა, სინგაპურიდან ის საფრანგეთში, ერთ-ერთ ფრანგულ ზამთრის კურორტს ეწვია, რამდენიმე დღეში კი დიდ ბრიტანეთში ჩავიდა.

როგორც ბრიტანული გამოცემები წერენ, საფრანგეთსა და ბრიტანეთში, საერთო ჯამში, უოლშმა ვირუსი 11 ადამიანს გადასდო.

ბრაიტონის სამედიცინო ცენტრი, სადაც კარანტინია გამოცხადებული

"მირჩიეს, რომ საავადმყოფოში იზოლირებულ ოთახში ვყოფილიყავი მიუხედავად იმისა, რომ სიმპტომები არ მქონდა. როდესაც დიაგნოზი დადასტურდა, იზოლირებულ კლინიკაში გამგზავნეს. ასევე, ჩემი ოჯახის წევრებსაც სთხოვეს იზოლირება.

მადლობა მეგობრებს, ოჯახის წევრებსა და კოლეგებს მხარდაჭერისთვის და მედიას კი ვთხოვ, პატივი სცენ ჩვენს პირად სივრცეს“, - ამბობს სტივ უოლში.

როგორც მედიკოსები ამბობენ, უოლშმა კორონავირუსი დაავადების აღმოჩენიდან ხუთ დღეში დაამარცხა.

როგორც ცნობილია, კორონავირუსის დამარცხება, თუკი მას სიმპტომების გამოვლენამდე აღმოვაჩენთ, შესაძლებელი და გაცილებით მარტივია და სწორედ მსგავს შემთხვევასთან გვქონდა ამჯერად საქმე. ვირუსის სიმპტომები ზოგჯერ სწრაფად, ზოგჯერ კი ორი კვირის დაგვიანებით ვლინდება. სწორედ ორი კვირის წინ იყო უოლში სინგაპურში კონფერენციაზე.

ინფექციის მთავარი ნიშანი არის მაღალი ტემპერატურა და ხველება, ისევე, როგორც სუნთქვის გახშირება და რესპირატორული პრობლემები.

როგორ შეცვალა მსოფლიოს ქალაქები კორონავირუსის შიშმა - Reuters-ის გასაოცარი ფოტოები

"დაკავდით რეგულარული სექსით და დიდხანს იცოცხლებთ“ - ექიმ ოზის რჩევა წყვილებს, რომლებმაც არ იციან რა გააკეთონ იზოლაციის დროს

ევროკომისიის პრეზიდენტი - სათანადოდ ვერ შევაფასეთ კორონავირუსი, ახლა აუცილებლად უნდა მივიღოთ ის ზომები, რაც ორი-სამი კვირის წინ სასტიკად გვეჩვენებოდა