15 თებერვლამდე ნალექი, თოვლი და ზღვაზე შტორმია მოსალოდნელი

გარემოს ეროვნული სააგენტოს ინფორმაციით, უახლოესი სამი დღის განმავლობაში საქართველოში დაბალი ტემპერატურა და ცივი ამინდი შენარჩუნდება

როგორც სინოპტიკოსები იუწყებიან, 15 თებერვლამდე საქართველოში მოსალოდნელია ნალექი, მთაში და მაღალმთაში ძლიერი თოვა, ნისლი, ქარბუქი და ზვავსაშიშროება. ასევე, ზღვაზე შესაძლებელია 4-5 ბალიანი შტორმი.

საავტომობილო გზების ცალკეულ მონაკვეთებზე დიდთოვლობის, ლიპყინულის, ხილვადობის გაუარესების, ქარბუქის და ზვავსაშიშროების გამო შესაძლებელია შეიზღუდოს ტრანსპორტის გადაადგილება.