ავტორი:

სინგაპურის მთავრობამ უარი თქვა ერთი თვის ხელფასზე, კორონავირუსთან მებრძოლ ექიმებს კი ბონუსებს ჩაურიცხავენ

სინგაპურის მთავრობამ უარი თქვა ერთი თვის ხელფასზე, კორონავირუსთან მებრძოლ ექიმებს კი ბონუსებს ჩაურიცხავენ

სინგაპურის მთავრობის წევრები მზად არიან, ერთი თვის ხელფასზე უარი თქვან, სანაცვლოდ კი კორონავირუსთან მებრძოლ ექიმებსა და ჯანდაცვის სამინისტროს წარმომადგენლებს ბონუსები გადასცენ.

ამის შესახებ ვიცე–პრემიერმა ჰენგ სვი კიტმა განაცხადა. იგივე გადაწყვეტილება მიიღო პრეზიდენტმა და მისმა ადმინისტრაციამ. ინფორმაციას bloomberg.com ავრცელებს.

"პოლიტიკური ლიდერშიპი ამით წვლილს შეიტანს, რომ მხარდაჭერა გამოუცხადოს თანამოქალაქეებს. მომდევნო თვეებში მზარდი საჭიროება გვექნება სინგაპურის რესურსების გამოყენების. ჩვენი და საზოგადოების ერთობა კი, ამ მძიმე დღეებს გადაგვატანინებს" – განაცხადა ვიცე–პრემიერმა ჰენგ სვი კიტმა პარლამენტში გამოსვლისას.

მისივე თქმით, ჩინოვნიკების ერთი თვის ხელფასი ბონუსის სახით გადაეცემათ მათ, ვინც კორონავირუსთან ბრძოლაში წინა რიგებში დგას, ესენი არიან: ჯანდაცვის სისტემის წარმომადგენლები, ჯანდაცვის სამინისტროს თანამშომლები, სახელმწიფო ჰოსპიტალების თანამშრომლები და სხვა უწყებები, რომლებიც პირდაპირ არიან ჩართულნი ვირუსის წინააღმდებ ბრძოლაში.

სინგაპურში კორონავირუსის 96 შემთხვევა დაფიქსირდა.

აღსანიშნავია რომ, სინგაპურის პრემიერ–მინისტრი მსოფლიოში ყველაზე მაღალანაზღაურებადი თანამდებობის პირია – მისი წლიური შემოსავალი 1.5 მილიონი დოლარის ექვივალენტია.

სინგაპურის მთავრობის ამ გადაწყვეტილებას მიბაძა ჰონგ–კონგის ხელისუფლებამაც. ისინი საქველმოქმედო მიზნებისთვის გაიღებენ ერთი თვის ხელფასს. იქამდე კი, ჰონგ–კონგის ხელისუფლებამ ვირუსის წინა ხაზზე, მაღალ რისკის ზონაში მომუშავე მედიკოსებს დღიურ ხელფასზე 20%–იანი დანამატი გაუკეთა.

როგორ შეცვალა მსოფლიოს ქალაქები კორონავირუსის შიშმა - Reuters-ის გასაოცარი ფოტოები

"დაკავდით რეგულარული სექსით და დიდხანს იცოცხლებთ“ - ექიმ ოზის რჩევა წყვილებს, რომლებმაც არ იციან რა გააკეთონ იზოლაციის დროს

ევროკომისიის პრეზიდენტი - სათანადოდ ვერ შევაფასეთ კორონავირუსი, ახლა აუცილებლად უნდა მივიღოთ ის ზომები, რაც ორი-სამი კვირის წინ სასტიკად გვეჩვენებოდა