"თენგიზ ცერცვაძის სახელით ფეიკ-გვერდები შეიქმნა, სადაც ცრუ ინფორმაციები ვრცელდება"

ინფექციური პათოლოგიის და შიდსის ცენტრის ინფორმაციით, სოციალურ ქსელში თენგიზ ცერცვაძის ფეიკ-გვერდები შეიქმნა, რომელსაც ინტერნეტმომხმარებელი შეცდომაში შეჰყავს.

აღნიშნულთან დაკავშირებით კლინიკის მიერ გავრცელებულ განცხადებაშია ნათქვამი.

"თენგიზ ცერცვაძის სახელით შექმნილი ფეიკ-გვერდებს ინტერნეტმომხმარებელი შეცდომაში შეყავს! სამწუხაროდ, გამოჩნდნენ ისეთი ადამიანები, რომლებმაც ინფექციური საავადმყოფოს გენერალური დირექტორის, პროფესორ თენგიზ ცერცვაძის ფეიკ-გვერდები შექმნეს.

ასეთ ერთ-ერთ გვერდზე ვრცელდება ცრუ ინფორმაცია, თითქოს ინფექციურ საავადმყოფოში covid 19-სგან გამოჯანმრთელებული პაციენტების სისხლის პლაზმისგან შექმნეს მედიკამენტი, რომლის საშუალებით ხუთი პაციენტი უკვე განიკურნა!...

ეს ინფორმაცია სიმართლეს არ შეესაბამება!გთხოვთ, არ დაიჯეროთ ეს სიყალბე და ენდეთ მხოლოდ ინფექციური პათოლოგიისა და შიდსის ცენტრი/Infectious Diseases and AIDS Center ფეისბუქ-გვერდზე გამოქვეყნებულ ინფორმაციებს, რომელიც გადამოწმებულია და სანდო!" - ნათქვამია ინფორმაციაში.