ავტორი:

როგორია კორონავირუსის გავრცელების დინამიკა შვედეთში, სადაც ვირუსის გამო მკაცრი რეგულაციები არ მოქმედებს

როგორია კორონავირუსის გავრცელების დინამიკა შვედეთში, სადაც ვირუსის გამო მკაცრი რეგულაციები არ მოქმედებს

შვედეთი იმ იშვიათ ქვეყანათა რიცხვს მიეკუთვნება, რომლებსაც კორონავირუსის გავრცელების თავიდან არიდების მიზნით, მკაცრი რეგულაციები არ შემოუღიათ. ხელისუფლება მხოლოდ რეკომენდაციების გაცემით შემოიფარგლება. ოფიციალურადაა აკრძალული 50 ადამიანზე მეტის შეკრება. ასევე, ხელისუფლებამ გასცა რეკომენდაცია, რომ თავი შეიკავონ მოგზაურობისგან, თუ ის გადაუდებელი აუცილებლობით არაა განპირობებული.

ქვეყანაში COVID-19-ით ინფიცირების პირველი შემთხვევა 31 იანვარს გამოვლინდა და ამ დროისთვის, საერთო ჯამში, 7693 ადამიანი დაინფიცირდა.

  • ევროპის ქვეყნების დიდ ნაწილში მკაცრი შეზღუდვები, კარანტინი მოქმედებს, ადამიანები სახლებში არიან გამოკეტილნი, შვედები კი ჩვეულ ცხოვრებას აგრძელებენ და მიუხედავად ამისა, ინფიცირებულთა რაოდენობის მხრივ, სხვა ქვეყნებთან დიდი განსხვავება არ არის, ზოგიერთ ქვეყანასთან შედარებით კი შვედეთს უკეთესი შედეგიც აქვს.

მაგალითად, ავსტრიაში, სადაც კორონავირუსის პირველი შემთხვევა 25 თებერვალს გამოვლინდა, ამ დროისთვის 12 734 ადამიანია დაინფიცირებული, ასევე პორტუგალიაში, სადაც კორონავირუსის პირველი შემთხვევა 2 მარტს გამოვლინდა, ამ დროისთვის 12 442 ინფიცირებული ჰყავთ. ბელგიაში კორონავირუსის პირველი შემთხვევა 2 იანვარს გამოვლინდა და ამ დრომდე 23 403 ადამიანი დაინფიცირდა. გერმანიაში პირველი შემთხვევა 27 იანვარსაა აღწერილი და მას შემდეგ 107 663 ადამიანი დაინფიცირდა. საფრანგეთში 24 იანვარს დადასტურდა პირველი შემთხვევა, ახლა კი 109 069 ინფიცირებული ჰყავთ.

შვედეთში ყველაზე მეტი ახალი ინფიცირებული 2 აპრილს გამოვლინდა და მათი რაოდენობა 621 იყო. 2 აპრილის შემდეგ კი ახალი ინფიცირებულების სტატისტიკა ასეთია:

  • 3 აპრილი - 563 ახალი შემთხვევა
  • 4 აპრილი - 332 ახალი შემთხვევა
  • 5 აპრილი - 387 ახალი ახალი შემთხვევა
  • 6 აპრილი - 376 ახალი შემთხვევა
  • 7 აპრილი - 487 ახალი შემთხვევა

ამ დროისთვის შვედეთი ინფიცირებულთა რაოდენობით მსოფლიოში მეოცე ქვეყანაა.

"ვფიქრობთ ყველაზე მნიშვნელოვანი ზომები უკვე მიღებული გვაქვს. დარჩი სახლში თუ თავს ცუდად გრძნობ, იმუშავე სახლიდან, თუ ამის შესაძლებლობა გაქვს, არ იმოგზაურო, თუ გადაუდებელი აუცილებლობა არ არის, ასევე, ავკრძალეთ 50 კაცზე მეტის შეკრება. თუ ყველა ადამიანი გაითავისებს ჩვენს რეკომენდაციებს, საუკეთესო შედეგი გვექნება“, - ამბობს ქვეყნის მთავარი ეპიდემიოლოგი, ანდერს ტეგნელი.

გაიგეთ უფრო მეტი შვედეთის სტრატეგიის შესახებ: როცა მსოფლიო კარანტინშია, შვედეთი მინიმალური შეზღუდვებით ცხოვრობს - სკანდინავიის ქვეყნის უჩვეულო პასუხი კორონავირუსს

"კორონავირუსი, როგორც ეპიდემია, შესაძლოა, ყოველ 20 წელიწადში განმეორდეს“ - ბილ გეითსი

"ე.წ. კანონიერი ქურდები ციხეებს დატოვებენ, უპატრონო პატიმრები კი დაიხოცებიან" - რუსეთში მასშტაბურ ამნისტიას ითხოვენ

კიევ-პეჩორის ლავრაში 26 სასულიერო პირს, ხოლო მოსკოვში 8 მღვდელს კორონავირუსი დაუდგინდა