ოკუპირებულ აფხაზეთში 15 წლის მოზარდი გარდაიცვალა, რომელსაც კორონავირუსზე შეამოწმებენ

სოხუმში ჯერჯერობით დაუდგენელი მიზეზით 15 წლის მოზარდი გარდაიცვალა. აფხაზური მედიის ცნობით, გარდაცვლილს კორონავირუსზე შეამოწმებენ.

„2020 წლის 7-8 აპრილს, 00:10 სთზე, აფხაზეთის მოქალაქე, დაბადებული 2005 წელს შემოყვანილი იქნა რესპუბლიკურ საავადმყოფოში. პაციენტი იმყოფებოდა განსაკუთრებით მძიმე მდგომარეობაში, პოლიორგანული უკმარისობით. ის დაუყოვნებლივ იყო მოთავსებული საავადმყოფოს ინტენსიური თერაპიის განყოფილებაში, სადაც მიუხედავად გადაუდებელი თერაპიისა, ის სამწუხაროდ, გარდაიცვალა“, - ნათქვამია კორონავირუსთან ბრძოლის ე.წ. შტაბის მიერ გავრცელბულ განცხადებაში.

შტაბში ასევე აცხადებენ, რომ ბავშვს ასევე აღენიშნებოდა ქრონიკული დაავადებები და გარკვეული დროის მანძილზე ის მძიმედ ავადობდა.