"კორონავირუსი თითქმის გადატანილი აქვთ" - ექიმი ე.წ. თერჯოლის კლასტერიდან დაინფიცირებულ ახალ პაციენტებზე

ქუთაისის ინფექციურ საავადმყოფოში კორონავირუსის დიაგნოზით 23 პაციენტი ჰყავთ. ორი პაციენტი კლინიკაში გუშინ შევიდა. საშუალო ასაკის პაციენტები ე.წ. თერჯოლის კლასტერიდან არიან.

ექიმ ედიშერ ასათიანის ინფორმაციით, მათი ჯანმრთელობის მდგომარეობა დამაკმაყოფილებელია და შეიძლება ითქვას, რომ პაციენტებს კორონავირუსი თითქმის გადატანილი აქვთ.

დამაკმაყოფილებელია სხვა პაციენტების მდგომარეობაც. ამ დროისთვის კლინიკაში გამოსაკვლევი პაციენტები არ ჰყავთ. დღეს კლინიკას კიდევ ერთი ადამიანი დატოვებს.

ქუთაისის ინფექციურ საავადმყოფოში ჯამში 14 პაციენტი გამოჯანმრთელდა.