ავტორი:

ანუკი არეშიძემ დაბადების დღე წყნეთის აგარაკზე ოჯახის და მეგობრების გარემოცვაში აღნიშნა - ფოტოები წვეულებიდან

ანუკი არეშიძემ დაბადების დღე წყნეთის აგარაკზე ოჯახის და მეგობრების გარემოცვაში აღნიშნა - ფოტოები წვეულებიდან

დიზაინერი ანუკი არეშიძე პირველ ივლისს 31 წლის გახდა. გასული წლის პომპეზური წვეულებისგან განსხვავებით, თბილისის პირველმა ლედიმ დაბადების დღე წელს მოკრძალებულად აღნიშნა და წყნეთის აგარაკზე მეგობრები და უახლოესი ნათესავები მიიწვია.

იუბილარი ტრადიციულად, არაჩვეულებრივად გამოიყურებოდა - არეშიძეს საკუთარი დიზაინით შექმნილი შაბიამნისფერი კაბა ეცვა და სუფრის დიზაინშიც მთავარი შტრიხები თავად შეიტანა.

დაბადების დღეს დიზაინერის მშობლები, ძმა და რძალი, ასევე უახლოესი მეგობრები ესწრებოდნენ: მათ შორის "მის საქართველო" ნუკი ყარალაშვილი, რომელთანაც არეშიძე წლებია მეგობრობს, დიზაინერი მაკა კვიციანი, რომელიც ცნობილია კულინარიის სიყვარულით და წვეულების სტუმრებს რამდენიმე კერძიც კი მოუმზადა, ასევე ღონისძიებების ორგანიზატორი ანი პირველი, რომელმაც წინა წლებში ანუკი არეშიძის დაბადების დღის წვეულების დიზაინსა და კალაძეების წყვილის ქორწილის გაფორმებაზეც იზრუნა.

დაბადების დღეს ესწრებოდნენ პარლამენტარი ბექა ოდიშარია და მისი მეუღლე მაკუნა გამცემლიძე - ამ უკანასკნელმა ცოცხალი მუსიკის თანხლებით, რამდენიმე ქართული სიმღერა უმღერა წვეულების სტუმრებს.

"დიდი მადლობა დაბადების დღის სურვილებისთვის! საუკეთესო საჩუქარი ამ დღეს იმის შეხსენებაა, რა არაჩვეულებრივი მეგობრები და ოჯახი მყავს. ეს კი ჩემი არაჩვეულებრივი მეუღლე, რომელიც ყოველთვის ჩემს გვერდითაა" - ამ სიტყვებით გადაიხადა მადლობა დიზაინერმა "ინსტაგრამზე".

მომღერალი მაქსიმი ხელოვნურ კომაშია და სიცოცხლისთვის იბრძვის - რა დაემართა რუს შემსრულებელს?

ეკა მიშველაძის შვილს, ტელეწამყვან მაკო კვიტაიშვილს შვილი შეეძინა - "ჩვენს ოჯახში ახალი სიცოცხლე შემოვიდა!"

"არ მყავს ჩემი ბიოლოგიური შვილი... ილიკოს შვილებმა შემიცვალეს ჩემი შვილები" - ნინო სუხიშვილი