ჯიუტი ექსპროკურორი და ტრამპის "რისხვა" - ვინ არის აშშ-ის პირველი აფრო-ამერიკელი ქალი სენატორი და ვიცე-პრეზიდენტობის კანდიდატი?

ჯიუტი ექსპროკურორი და ტრამპის "რისხვა" - ვინ არის აშშ-ის პირველი აფრო-ამერიკელი ქალი სენატორი და ვიცე-პრეზიდენტობის კანდიდატი?

აშშ-ის დემოკრატიული პარტიის პრეზიდენტობის კანდიდატმა ჯო ბაიდენმა კალიფორნიის შტატის სენატორი, კამალა ჰარისი ვიცე-პრეზიდენტობის კანდიდატად დაასახელა.

წინასაარჩევნო ციებ-ცხელება ამერიკის შეერთებულ შტატებში პიკს უახლოვდება. მოქმედი პრეზიდენტი დოლანდ ტრამპის მთავარი კონკურენტი ჯო ბაიდენია, რომელიც, თავის მხრივ, მძლავრი გუნდის შექმნაზეა ორიენტირებული.

  • ვინ არის კამალა ჰარისი?

ამერიკელი პოლიტიკოსი, სამართალმცოდნე, ადვოკატი კამალა ჰარისი 1964 წლის 20 ოქტომბერს აშშ-ში, ოკლაჰომას შტატში დაიბადა.

კამალამ "ჰოვარდისა" და "კალიფორნიის" უნივერსიტეტები დაამთავრა და ადვოკატის კარიერა ქალაქ ალამედაში, საოლქო ადვოკატად დაიწყო. შემდეგ სან - ფრანცისკოს საოლქო ადვოკატი, მოგვიანებით კი სან-ფრანცისკოს საქალაქო ადვოკატი გახდა. 2003 წელს იგი აირჩიეს სან-ფრანცისკოს 27-ე საოლქო ადვოკატად.

2010 წელს ჰარისი კალიფორნიის გენერალური პროკურორი გახდა. მას ხშირად აკრიტიკებდნენ გატარებული რეფორმების გამო. შეიძლება ითქვას, რომ კრიმინალურ პოლიციაში არსებული ვითარება კამალამ მნიშვნელოვნად შეცვალა.

  • კამალა სენატორი და ვიცე-პრეზიდენტობის კანდიდატი

2016 წლის ნოემბერში ჰარისმა ლორეტა სანჩესი დაამარცხა და კალიფორნიის მესამე ქალი სენატორი გახდა. იგი პირველი აფრო-ამერიკელი და პირველი აზიელი ამერიკელი ქალია, რომელიც სენატში მოხვდა.

სენატორის რანგში, მან მხარი დაუჭირა ჯანდაცვის რეფორმას, ფედერალურ დონეზე კანაფის მოხმარების შეზღუდვის აქტს, ემიგრანტებისთვის აშშ-ის მოქალაქეობის მიღებისთვის პროცედურების გამარტივებას, იარაღის შემოტანის აკრძალვას და პროგრესულ საგადასახადო რეფორმას.

კამილა სენატში, მოსმენების დროს, ტრამპის პოლიტიკასა და ადმინისტრაციას ხშირად აკრიტიკებდა.

როგორც უკვე ვთქვით, შეერთებული შტატების 2020 წლის საპრეზიდენტო არჩევნებში კამალა ჰარისი ჯო ბაიდენმა ვიცე-პრეზიდენტობის კანდიდატად წარადგინა.

BBC-ის ინფორმაციით, ბაიდენმა განაცხადა, რომ მას აქვს დიდი პატივი, კამალა ჰარისი დაასახელოს, რომელიც, მისი თქმით: "უშიშარი მებრძოლი და ქვეყნის ერთ-ერთი საუკეთესო სახელმწიფო მოხელეა".

"ჯო ბაიდენს ამერიკელი ხალხის გაერთიანება შეუძლია, იმიტომ რომ ის მთელ თავის ცხოვრებას ჩვენთვის ბრძოლაში ატარებს. მაქვს პატივი, ჩვენი პარტიის ვიცე-პრეზიდენტობის კანდიდატი ვიყო და გავაკეთო ის, რაც მას ჩვენს მთავარსარდლად აქცევს", - ციტირებს გამოცემა კამალა ჰარისის გამოსვლას.

  • კამალა ჰარისის რთული ბავშვობა...

კამალა ჰარისის დედა, შამალა გოპალანი ინდოეთიდან აშშ-ში მიგრირებული ექიმია. ამერიკაში ჩამოსვლის შემდეგ, გოპალანიმ გადამზადების კურსები გაიარა და ენდოკრინოლოგიის განხრით ასოცირებული პროფესორის წოდებაც მოიპოვა.

მამა - დონალდ ჰარისი იამაიკაში დაბადებული, ამერიკაში მიგრირებული ეკონომიკის პროფესორია.

როდესაც კამალა 7 წლის იყო, მისი მშობლები დაშორდნენ. მოგვიანებით, ვიცე-პრეზიდენტობის კანდიდატმა მის ბიოგრაფიულ წიგნში დაწერა:

"უქმეებზე მე და ჩემი უმცროსი და მამას სანახავად მივდიოდით. უბანში ბავშვები არათუ არ გვეთამაშებოდნენ, არც კი გვესაუბრებოდნენ, რადგან მუქი ფერის კანი გვქონდა“

  • კამალას პირადი ცხოვრება

კამალა ჰარისის მეუღლე 54 წლის სამართალმცოდნე დუგლას ემჰოფია. წყვილი ოფიციალურად 2014 წელს დაქორწინდა. დუგლას ემჰოფი ბრუკლინში დაიბადა. დაამთავრა სამხრეთ კალიფორნიის გოლდენის სამართლის სკოლა. ამჟამად იგი ერთ-ერთი დიდი კომპანიის DLA Piper Law Firm- ის ბიზნესპარტნიორია. დუგლასი ასევე კომპანია Emhoff-ის დამფუძნებელია, იგი საერთაშორისო კორპორაციებს უძრავი ქონების და ინტელექტუალური საკუთრების სამართალწარმოების დავებში ეხმარება. კამალა ჰარისი დუგლასის მეორე ცოლი და ელა და ჯონ ემჰოფების დედინაცვალია. წყვილს საერთო შვილი არ ჰყავს.

  • აფრო-ამერიკელი ქალები ისტორიას ქმნიან...

კამალა ჰარისი პირველი აფრო-ამერიკელი და პირველი აზიელი ამერიკელი ქალია, რომელიც სენატში მოხვდა და ვიცე-პრეზიდენტობის კანდიდატის პოსტისთვის იბრძოლებს. თუმცა, ისტორიას წინამორბედი პრეცედენტებიც ახსოვს.

მაგალითად, სამეფო სტანდარტები მსახიობმა მეგან მარკლიმ 2018 წელს დაარღვია. პრინცმა ჰარიმ არჩევანი ასაკით უფროს, აფრო-ამერიკელ, განათხოვარ ქალზე შეაჩერა, რაც სამეფო პროტოკოლის მიხედვით აკრძალული იყო.

ყველაფრის მიუხედავად აფრო-ამერიკელი მარკლი სასექსის ჰერცოგინია გახდა.

ზესახელმწიფოს "ოცნებების ახდენისა და თანასწორობის" იდეა მსოფლიოში, როგორც ჩანს, ნამდვილად მუშაობს.

შეგახსენებთ, რომ ჰარისი თავის მეტოქესთან, დონალდ ტრამპის ვიცე-პრეზიდენტობის კანდიდატ მაიკ პენსთან, 7 ოქტომბერს დებატებს გამართავს.

აშშ-ში საპრეზიდენტო არჩევნები 3 ნოემბერს გაიმართება.

ავტორი: თეონა თამაზაშვილი

საუდის არაბეთის პრინცესა აღმოსავლურ სრანდარტებს ანგრევს - ვინ არის დინა აბდულა, რომელიც Vogue-ს მთავარი რედაქტორი იყო

"თუ გოგონა მომწიფებულია, შეიძლება ძალით გაათხოვონ" - სომალი არასრულწლოვანთა იძულებით ქორწინებას აკანონებს

15 წლის ავღანელმა გოგონამ შინ შეჭრილი თავდამსხმელები დახოცა:  ვის ესროლა ნურიამ - თალიბან მებრძოლს, საკუთარ ქმარს თუ ორივეს?