გარდაცვლილი 11 წლის ბავშვის დედა საბერძნეთიდან სამშობლოში დაბრუნდა - ნეტსან აბჟანდაძე მეუღლის უმკაცრესად დასჯას ითხოვს

თერჯოლაში გარდაცვლილი 11 წლის ავთო აბჟანდაძის დედა, ნეტსან აბჟანდაძე დღეს საბერძნეთიდან საქართველოში დაბრუნდა. ნეტსან აბჟანდაძე ბავშვის მამის უმკაცრესად დასჯას ითხოვს.

ასევე ცნობილი გადა საპატრიარქოს გადაწყვეტილება, რომლის თანახმადაც, გარდაცვლილ ბავშვს წესს საეკლესიო ნორმების სრული დაცვით აუგებენ.

"საპატრიარქომ მიიღო სრულიად სწორი გადაწყვეტილება, განჩინება. რასაც საპატრიარქო ღებულობს, იქ ორი აზრი არ არსებობს... არასრულწლოვანია და შეიძლება ბავშვმა გაუცნობიერებლად მიიღო თვითმკვლელობის გადაწყვეტილება. წესის აგება მოხდება სამშაბათს", - განუცხადა ჟურნალისტებს დეკანოზმა თეოდორე გამეზარდაშვილმა.

შეგახსენებთ, აბჟანდაძეების ოჯახი დახმარებას ითხოვდა, ვინაიდან გარდაცვლილის დედა, საბუთებში არსებული პრობლემის გამო, თურქეთ-საბერძნეთის საზღვრიდან საბერძნეთში დააბრუნეს და სამშობლოში ჩამოსვლას ვერ ახერხებდა.

ცნობისთვის, თერჯოლაში 11 წლის ბავშვი პოლიციამ ხეზე ჩამომხრჩვალი იპოვა. შვილის თვითმკვლელობამდე მიყვანის და მასზე ძალადობის ბრალდებით ბავშვის მამაა დაკავებული. დაკავებულს აღკვეთის ღონისძიების სახით პატიმრობა აქვს შეფარდებული.

• "პოლიცია რომ მისულა, მამა-შვილი დაუნახავთ დივანზე, მთვრალი მამაჩემი გაუღვიძებიათ, ჩემი ძმა უკვე გარდაცვლილი იყო" - რას ჰყვება თერჯოლაში გარდაცვლილი 11 წლის ბიჭის და