ავტორი:

"რეანიმაციაში კორონავირუსით ინფიცირებული 7 პაციენტი მკურნალობს... ე.წ. „დონას“ კლასტერი შეჩერდა" - ბათუმის რესპუბლიკური საავადმყოფო

"რეანიმაციაში კორონავირუსით ინფიცირებული 7 პაციენტი მკურნალობს... ე.წ. „დონას“ კლასტერი შეჩერდა" - ბათუმის რესპუბლიკური საავადმყოფო

ბათუმის რესპუბლიკურ საავადმყოფოში კორონავირუსით ინფიცირებული 7 პირი რეანიმაციულ განყოფილებაშია მოთავსებული. კლინიკის ექიმის, გია კიკაბიძის განცხადებით, მათი ჯანმრთელობის მდგომარეობა სტაბილურია.

ასევე კლინიკაში 58 პაციენტი იმყოფება, რომელსაც პნევმონია აღენიშნება.

"გასული დღის განმავლობაში რესპუბლიკურ საავადმყოფოს 16 ახალი კოვიდინფიცირებული დაემატა. ჯამში, დღეისთვის 147 კოვიდინფიცირებული პაციენტი გვყავს. გუშინ 16 პაციენტი გადაიყვანეს საკარანტინო ზონაში. ერთი პაციენტის რეფერალი მოხდა თბილისში. ერთი გაეწერა. დღეს, 16 პაციენტის საკარანტინო ზონაში გადაყვანა იგეგმება.

7 პაციენტი რეანიმაციულ განყოფილებაში იმყოფება, თუმცა აპარატულ სუნთქვაზე არცერთი არ არის. სამ პაციენტთან მიმდინარეობს ჟანგბადის მიწოდება. პაციენტების მდგომარეობა ფასდება, როგორც მძიმე, მაგრამ სტაბილური. განყოფილებაში გვყავს 58 პაციენტი, რომელთაც პნევმონია აღენიშნებათ. მათაც უტარდებათ შესაბამისი მკურნალობა. დანარჩენი პაციენტების მდგომარეობა უსიმპოტომოა. მიმდინარეობს გეგმიური მონიტორინგი", - განაცხადა კიკაბიძემ.

მისივე თქმით, ე.წ. "დონას" კლასტერი შეჩერდა.

"კუჭის "გასინჯვისას" მაისური ამიწია და მკერდზე შემეხო... ვგრძნობდი, რაღაც ისე არ იყო" - რას ყვებიან ექიმების სექსუალური შევიწროების მსხვერპლი პაციენტები

"11-ის ინფიცირების წყარო უცნობია, 4-ის მდგომარეობა კრიტიკულად მძიმეა" - მარინა ეზუგბაია ახალ ინფიცირებულებსა და პაციენტების მდგომარეობაზე

კორონავირუსი საერთო ჯამში "ენგურჰესის" 50-მდე თანამშრომელს დაუდგინდა