"დაჩეხილია, მძინარეს დაარტყა დანა და უყურებდა სულს როგორ ღაფავდა" - თურქეთში მოკლული თამთა ჯანჯღავა სამშობლოში ჩამოასვენეს

თურქეთში მოკლული ქართველი ქალის ცხედარი სამშობლოში ჩამოასვენეს. თამთა ჯანჯღავა სენაკის მუნიციპალიტეტის სოფელ ძველ სენაკში, საკუთარ სახლშია დასვენებული.

გარდაცვლილის ახლობლები დამნაშავის დასჯას ითხოვენ. როგორც ისინი "კურიერს" უყვებიან, გოგონას ჭრილობა მეუღლემ, სავარაუდოდ, მძინარეს მიაყენა.

"მგონი ეძინა თამთას და უკნიდან დაარტყა, შემდეგ წინიდან. უყურებდა, სულს როგორ ღაფავდა. დესპოტია? რა სინდისი აქვს? ამბობენ, რომ ახლა გაქცეულია სხვა ქალაქში. როგორც ვიცით, ერთხელ გაშორებულები იყვნენ და შემდეგ ისევ შერიგდგნენ.

წესიერი და პატიოსანი გოგო იყო. ზურგში აქვს დანა ჩარტყმული, დაჩეხილია. საერთოდ ეჭვიანი ბიჭი ყოფილა, რაც მოიყვანა მას შემდეგ აწამებდა ამ გოგოს" - ამბობენ ძველი სენაკის მაცხოვრებლები.

32 წლის თამთა ჯანჯღავას ცხედარი თურქეთის ქალაქ სტამბოლში, ჩაკეტილ სახლში, ორი დღის წინ იპოვეს. გარდაცვლილის ახლობლები AMBEBI.GE-სთან საუბარში ყვებიან, რომ ახალგაზრდა ქალს ქმარმა დანით 17 ჭრილობა მიაყენა და მიიმალა. მათივე თქმით, ქმარი ცოლზე სისტემატიურად ძალადობდა.