რუსეთის დუმის დეპუტატი კორონავირუსით გარდაიცვალა

რუსეთის დუმის დეპუტატი, ვახა აგაევი კორონავირუსით გარდაიცვალა, - ამის შესახებ ინფორმაციას რუსული მედია ავრცელებს.

67 წლის აგაევი ვირუსისგან გამოწვეული გართულებების გამო კომაში იყო. გარდაცვლილი კომუნისტური პარტიის წევრი იყო.

რუსული მედიის ცნობით, COVID-19-ით დუმის 50-ზე მეტი წევრია ინფიცირებული, 13 მათგანი კი ჰოსპიტალიზებულია.

რუსეთში, საერთო ჯამში, კორონავირუსის 1.1 მილიონზე მეტი შემთხვევაა გამოვლენილი და ამ მაჩვენებლით ის მსოფლიოს მეოთხე ქვეყანაა. ვირუსით რუსეთში, ოფიციალური მონაცემებით, გარდაცვლილია 19 948 ადამიანი, ხოლო გამოჯანმრთელებულია 929 829 პაციენტი.