ავტორი:

კორონავირუსის ერთ-ერთ ვაქცინაზე კლინიკური ცდები კიდევ ერთმა კომპანიამ შეწყვიტა - მიზეზი "აუხსნელი დაავადების" გამოწვევაა

კორონავირუსის ერთ-ერთ ვაქცინაზე კლინიკური ცდები კიდევ ერთმა კომპანიამ შეწყვიტა - მიზეზი "აუხსნელი დაავადების" გამოწვევაა

ამერიკული ფარმაცევტული კომპანია Johnson & Johnson კორონავირუსის ერთ-ერთ ექსპერიმენტულ ვაქცინაზე კლინიკურ ცდებს "აუხსნელი დაავადების“ გამოწვევის გამო წყვეტს.

”ჩვენი გაიდლაინების შესაბამისად, მონაწილის დაავადება განიხილება და ფასდება მონაცემთა უსაფრთხოების მონიტორინგის დამოუკიდებელი საბჭოს (DSMB), ასევე ჩვენი შიდა კლინიკური და უსაფრთხოების ექიმების მიერ.

მოულოდნელი სერიოზული გვერდითი მოვლენის (SAE) დაფიქსირების შემთხვევაში, რომელიც შეიძლება დაკავშირებული იყოს ვაქცინასთან, ან საკვლევ პრეპარატთან, ჩვენი კვლევები ჩერდება. სანამ კვლევის განახლების შესახებ გადაწვყვეტილებას მივიღებთ, ყველა სამედიცინო ინფორმაცია სიფრთხილით გადაიხედება", - ნათქვამია კომპანიის განცხადებაში.

Johnson & Johnson-მა კორონავირუსის პოტენციურ ვაქცინაზე ცდების მესამე ეტაპი 23 სექტემბერს დაიწყო. მასში მონაწილეობა სხვადასხვა ქვეყნიდან 60 000 ადამიანს უნდა მიეღო.

ეს კორონავირუსის საწინააღმდეგო ვაქცინაზე მიმდინარე ცდის, ფაზა 3-ის შეჩერების მეორე შემთხვევაა. გასულ თვეში, კვლევის მონაწილეში გამოვლენილი ნერვოლოგიური გართულებების გამო, ცდები ბრიტანეთში, კომპანია AstraZeneca-ც შეაჩერა.

"ეს თურქეთის იმპერიის აღდგენისკენ მიმართული პოლიტიკაა“ - რას აცხადებს ნიკოლ ფაშინიანი

"ქალი ხარ, მეცნიერება შენი საქმე არ არის...დამოკიდებულება თანდათან იცვლება" -  ქიმიაში ნობელიანტი ქალები, რომლებმაც ისტორია დაწერეს და მათი რევოლუციური აღმოჩენა

"იშვიათად ყოფილა, რომ რუსეთის ლიდერს "უკანა ეზოში" საქმე ერთდროულად ამდენ ხანძართან ჰქონოდა" - რას წერს "ფაინენშელ თაიმსი"