ავტორი:

აშშ-ის მცდელობაც უშედეგო აღმოჩნდა: ყარაბაღში ცეცხლის შეწყვეტის შეთანხმება კვლავ ჩაიშალა - ბოლო ცნობები კონფლიქტის ზონიდან, სადაც ომი გრძელდება

აშშ-ის მცდელობაც უშედეგო აღმოჩნდა: ყარაბაღში ცეცხლის შეწყვეტის შეთანხმება კვლავ ჩაიშალა - ბოლო ცნობები კონფლიქტის ზონიდან, სადაც ომი გრძელდება

მთიან ყარაბაღში ცეცხლის შეწყვეტაზე აშშ-ის მცდელობაც უშედეგო აღმოჩნდა, მართალია შტატების შუამავლობით, სომხეთსა და აზერბაიჯანს შორის ზავი დაიდო, თუმცა ზავის დადებიდან ცოტა ხანში მხარეებმა შეთანხმების შეუსრულებლობაში კვლავ დაადანაშაულეს ერთმანეთი.

სომხეთის პრემიერ-მინისტრი ნიკოლ ფაშინიანი აცხადებს, რომ საერთაშორისო საზოგადოების ძალისხმევა მთიან ყარაბაღში ცეცხლის შეწყვეტის შესახებ ჩაიშალა და აზერბაიჯანი მშვიდობიანი მოსახლეობის დაბომბვას აგრძელებს.

"მინდა განვაცხადო, რომ საერთაშორისო საზოგადოების ძალისხმევა, რომელიც ამჯერად შეერთებული შტატების შუამავლობით განხორციელდა და რომლის მიზანიც ცეცხლის შეწყვეტის შესახებ შეთანხმების მიღწევა იყო, ჩაიშალა. აზერბაიჯანის მიერ განხორციელებული უწყვეტი დაბომბვის შედეგად, დღეს არცხაში მშვიდობიანი მოსახლეობა დაიღუპა და დაიჭრა,” - წერს ფაშინიანი "ტვიტერში.“

თავის მხრივ აზერბაიჯანის თავდაცვის უწყებაც სომხეთს შეთანხმების შეუსრულებლობაში სდებს ბრალს. ქვეყნის ძალოვან სტრუქტურაში აცხადებენ, რომ 27 ოქტომბერს ღამით სომხები აზერბაიჯანის არმიას ცეცხლს სხვადასხვა სახის იარაღიდან უზსნიდნენ. მათივე ცნობით, მოწინააღმდეგის მდელობები აღკვეთეს.

"საბრძოლო მოქმედებები მიმდინარეობდა ფიზულისა და გაბედლის ტერიტორიაზე. აზერბაიჯანის არმიამ გაანადგურა სომხეთის 18-ე დივიზიის სამეთაური პუნქტი“, - აცხადებენ აზერბაიჯანის თავდაცვის სამინისტროში.

ამასთან, მედიაში ვრცელდება ინფორმაცია იმის შესახებ, რომ მთიანი ყარაბაღის ე.წ. თავდაცვის მინისტრი, ჯალალ ჰარუთუნიანი თანამდებობიდან გაათავისუფლეს.

"ხელი მოვაწერე ბრძანებას, რომლის თანახმადაც, გენერალ-ლეიტენანტი ჯალალ ჰარუთუნიანი თავდაცვის მინისტრის თანამდებობიდან გავათავისუფლე“, - აცხადებს არაღიარებული მთიანი ყარაბაღის ე.წ. პრეზიდენტი, არაიკ ჰარუთუნიანი.

მისივე თქმით, გადაწყვეტილების მიზეზი ის გახდა, რომ გენერალ-ლეიტენანტი ჯალალ ჰარუთუნიანი ერთ-ერთ საბრძოლო პოზიციაზე დაიჭრა და შესაბამისად, მოვალეობის გაგრძელებას ვერ ახერხებდა. ე.წ. პრეზიდენტმა არაღიარებული რესპუბლიკის თავდაცვის მინისტრად გენერალ-მაიორი მიკაელ არზუმანიანი დანიშნა.

ცნობისთვის, აზერბაიჯანსა და სომხეთს შორის აშშ-ის შუამავლობით მიღწეული ცეცხლის შეწყვეტის შეთანხმება ძალაში გუშინ, დილის 08:00 საათიდან შევიდა, თუმცა ცეცხლის შეწყვეტის რეჟიმის ამოქმედებიდან რამდენიმე წუთის შემდეგ, მხარეებმა მის დარღვევაში ერთმანეთი დაადანაშაულეს. აღსანიშნავია, რომ მანამდე ორჯერ შედგა შეთანხმება რუსეთის შუამავლობით, თუმცა შედეგი არც ერთ შეთანხმებას არ მოჰყოლია და აზერბაიჯანსა და სომხეთს შორის შეიარაღებული დაპირისპირება კვლავ გრძელდება.

მთიან ყარაბაღში დაპირისპირება 27 სექტემბერს განახლდა. ომს ასობით ჯარისკაცი და ათობით მშვიდოაბიანი მოსახლე ემსხვერპლა.

ფრანგულ გამოცემაში ერდოღანის კარიკატურას აღშფოთება მოჰყვა - თურქეთის საგარეო უწყებამ საფრანგეთში საელჩოს წარმომადგენელი კონსულტაციებისთვის გაიწვია

ევროპა კვლავ კარანტინში: რიგ ქვეყნებში, მათ შორის, შვედეთში, მკაცრი შეზღუდვები დაწესდა - როგორია ბოლო დღეების ეპიდვითარება

"შესაძლოა, 2022 წლამდე ნორმალურ ცხოვრებას ვერ დავუბრუნდეთ" - ენტონი ფაუჩი