ავტორი:

"ეს იყო პრორუსული ქვეცნობიერის გამოვლენა" - პრემიერი ბუბა კიკაბიძის მიერ "თბილისოს" რუსულად შესრულებაზე

"ეს იყო პრორუსული ქვეცნობიერის გამოვლენა" - პრემიერი ბუბა კიკაბიძის მიერ "თბილისოს" რუსულად შესრულებაზე

სანამ სოციალურ მედიაში არ ატყდა ერთი ამბავი, ვერც მოიფიქრია იქ მდგომა ერთმა ადამიანმა, გამოსულიყო და რაღაც კომენტარი გაეკეთებინა. სოციალურ მედიაში რომ ატყდა ერთი ამბავი, მერე დაიწყეს უხერხული ვერსიების მოძებნა, ამიტომაცაა ეს ქვეცნობიერი, - ასე გამოეხმაურა უწყებათაშორისი სააკოორდინაციო საბჭოს სხდომის დასრულების შემდეგ გამართულ ბრიფინგზე პრემიერ-მინისტრი გიორგი გახარია, გუშინ, „ნაციონალური მოძრაობის" შემაჯამებელ აქციაზე სიის პირველი ნომრის ბუბა კიკაბიძის მიერ ქარტლ-რუსულ ენაზე ნამღერ „თბილისოს".

მისივე თქმით, ბუბა კიკაბიძე ქვეყნის ერთ-ერთი გამორჩეული არტისტია და მას ადამიანურად დასწყდა ამ ფაქტზე გული.

„ეს არის სწორედ „ნაციონალური მოძრაობის" ხელწერა, ცალკე აღებული ინდივიდუალური ადამიანის ბედი არავის არ ადარდებს. ჯერ ერთი, ამ ასაკის ადამიანი რომ გამოგყავს, ამღერებ, ასეთი მორალური და ემოციური დარტყმის ქვეშ აყენებ, შემდგომ რაც წლების განმავლობაში შეუქმნია, გაუკეთებია, რეპუტაცია ან ხალხის სიყვარული დაუმსახურებია, ამ ერთ საღამოში, სამწუხაროდ...

გუშინდელმა ამ აქციამ, მათ შორის იქ გამომსვლელი ხალხის დონეზეც, კიდევ ერთხელ დამარწმუნა იმაში, რომ ამ ქვეყანაში პოლიტიკური ელიტების ცვლილება უნდა დაიწყოს და ეს პოსტსაბჭოთა, საბჭოური, პოლიტიკური ელიტა, რომელიც 30 წელია ქვეყანამ ვერ მოიშორა, უნდა დამთავრდეს. ამიტომ იყო სწორედ მიღებული გადაწყვეტილება პროპორციულ საარჩევნო სისტემაზე რომ, რაც შეიძლება მეტი ახალგაზრდა ადამიანი გამოჩნდეს პარლამენტშიც და პოლიტიკაშიც. ეს არის ჩვენი ძირითადი მიზანი. პროდასავლური, კარგი დასავლური განათლებით და არა ის, რაც გუშინ ვნახეთ, რუსული ნარატივებით", - განაცხადა გახარიამ.

ამასთან, როგორც პრემიერმა აღნიშნა, „ნაციონალური მოძრაობის“ გუშინდელ აქციაზე გამოჩნდა, თუ ვინ იყო პრორუსული.

„ამ ქვეყანაში იმიტომ, რომ სუსტ ოპოზიციას შინაარსობრივი თემები არ აქვს, ყოველ ჯერზე, არჩევნებამდე 2-3 დღით ადრე, საკითხი ხდება რუსეთი, პრორუსულობა, თუმცა, პრორუსული ვინ იყო, გუშინ ვნახეთ. ეს იყო ჩემთვის ჩვეულებრივ, ქვეცნობიერის გამოვლენა“, - განაცხადა გახარიამ.

"გამარჯვებას ვულოცავ საქართველოს დიდი ხნის მეგობარ ჯო ბაიდენსა და ვიცე-პრეზიდენტ კამალა ჰარისს" - რას წერენ სოცქსელებში საქართველოს პრემიერი და პრეზიდენტი

"დარწმუნებული ვარ, ამომრჩევლის სავარაუდო მოსყიდვის შესახებ ცნობები მართალია, მაგრამ იმედგაცრუების გამოხატვა პარლამენტში სჯობს და არა მის გარეთ" - "ევროპის სახალხო პარტიის" სპიკერი

"ალბათ, ყველა პარტია, მათ შორის, "ნაცმოძრაობაც" მთლიანად თუ არა, ნახევარზე მეტი მაინც შევა პარლამენტში... ამისთვის აქტიურად ვმუშაობთ" - ირაკლი კობახიძე