იტალიაში ვულკანი სტრომბოლი ამოიფრქვა - სათვალთვალო კამერით გადაღებული კადრები და შიშის მომგვრელი სანახაობა

იტალიის გეოფიზიკის ეროვნული ინსტიტუტის ცნობით, სიცილიის სამხრეთით ვულკანი სტრომბოლი გააქტიურდა, სადაც 16 ნოემბერს ის დიდი სიმძლავრით ამოიფრქვა. ამის შესახებ ABC News წერს.

"მაღალი ინტენსივობის“ ამოფრქვევა სათვალთვალო კამერებმა გადაიღეს. ვულკანის ამოფრქვევა დაახლოებით 4 წუთის განმავლობაში გრძელდებოდა. ადგილობრივები ამბობენ, რომ ფერფლი დაახლოებით 100 მეტრის სიმაღლეზე იქნებოდა.

ვულკან სტრომბოლის ამოფრქვევა უჩვეულო არ არის, ის ერთ-ერთი ყველაზე აქტიური ვულკანია, თუმცა 16 ნოემბრის შემთხვევა ბოლო დროს დაფიქსირებულ შემთხვევებს შორის ყველაზე მძლავრი იყო.