აზერბაიჯანსა და სომხეთს შორის ტყვეების გაცვლის პროცესი დაიწყო
ბაქომ და ერევანმა რუსი სამშვიდობოების მონაწილეობით, ტყვეთა გაცვლის პროცესი დაიწყეს. ამის შესახებ სამხედრო ტყვეების, მძევლებისა და უგზო-უკვლოდ დაკარგულთა საქმეებზე მომუშავე აზერბაიჯანის სახელმწიფო კომისიაში განაცხადეს.
მათი თქმით, გაცვლის შესახებ შეთანხმება მიღწეულია საერთაშორისო ორგანიზაციების და რუსეთის სამშვიდობო ძალების სარდლობის მონაწილეობით.
სომხეთის პრემიერ-მინისტრის პრესმდივნის მანე გევორგიანის განცხადებით, სომხეთში ტყვეთა პირველი ჯგუფის ჩასვლას უკვე ელოდებიან.
მანამდე, დღეს, არაღიარებული მთიანი ყარაბაღის რესპუბლიკის სახალხო დამცველმა არტაკ ბეგლარიანმა განაცხადა, რომ აზერბაიჯანს ტყვედ ჰყავს 60 სამხედრო მოსამსახურე რეგიონიდან. თუმცა, მისი თქმით, ბაქოში უარს აცხადებენ ზუსტი მონაცემების დასახელებაზე.
მას არ დაუზუსტებია, რამდენი ხანი დასჭირდება აზერბაიჯანსა და სომხეთს შორის ტყვეების გაცვლის პროცესს.
"ღმერთი იქ არის, სადაც სტაბილური შემოსავალია, აპლია ვაჭრობისთვის მზად არის" - აფხაზეთის ე.წ. ეკლესიის მეთაური რუსეთის ეკლესიის შემადგენლობაში შესვლას ითხოვს
"წარმოუდგენელი საცოდაობა ტრიალებდა..." - გუდაუთაში, სასტუმროში გაჩენილ ძლიერ ხანძარს ბავშვები ემსხვერპლნენ
