"ჩემი ნატალია და ზაქარიას ნათლია ჩვენი უწმინდესი და უნეტარესია" - ნინო სურგულაძემ ტყუპი ქალ-ვაჟი მონათლა
ცნობილი მეცო-სოპრანოს ნინო სურგულაძის ტყუპი ქალ-ვაჟის ნათლია პატრიარქი ილია მეორე გახდა. შვილების ნათლობის შესახებ ოპერის მომღერალი "ფეისბუქის" პირად გვერდზე წერს. პატარებს პატრიარქთან ერთად, სხვა ცნობილი ნათლიებიც ჰყავთ.
"ჩემი ცხოვრება მუდმივად მოულოდნელობებით არის სავსე, ეს ბედნიერი დღეც ერთ-ერთი ყველაზე მნიშვნელოვანი და გამორჩეულია ჩემთვის, რადგან სრულიად მოულოდნელად მისი უწმინდესობისგან მივიღე თანხმობა, ჩემი შვილების ნათლია გამხდარიყო, ჩემთვის ეს ძალიან ბევრს ნიშნავს და მინდოდა, ეს ბედნიერი დღე თქვენთვის გამეზიარებინა.
ჩემი ნატალია და ზაქარიას ნათლია ჩვენი უწმინდესი და უნეტარესია. პატრიარქთან ერთად, ზაქარიას ნათლიები არიან ასევე - მამუკა ხაზარაძე, პაატა ბურჭულაძე, ელგუჯა ორჯონიკიძე, ნატალიას ნათლიები კი სოფო შევარდნაძე, ნინო ანანიაშვილი და ნინო ხუხუნაიშვილი", - წერს მომღერალი.
ნინო სურგულაძე 7 ივნისს, ტყუპი - ქალ-ვაჟის დედა გახდა. პატარა ნატალიასა და ზაქარიაზე დედა სოციალურ ქსელში საკმაოდ ხშირად წერს და ფოტო და ვიდეომასალასაც აქვეყნებს.
ცნობილი საოპერო მომღერალი მაისში დაოჯახდა. მისი რჩეული იურისტი გიორგი ინწკირველია.
ნინი ბადურაშვილი დასთან ერთად დუბაიში ისვენებს - დების ზღაპრული მოგზაურობის ფოტოები
"სიყვარულის 2 წელი" - დავით კირკიტაძის მეუღლე ქორწინების იუბილესთან დაკავშირებით, რომანტიკულ ფოტოებს აქვეყნებს
