ავტორი:

"ახლა ასეთი აქტივობა შეუძლებელია" - რას ამბობს დაკავებული რომან პროტასევიჩი მეორე ვიდეოში, რომელსაც ბელარუსის მედია აქვეყნებს

"ახლა ასეთი აქტივობა შეუძლებელია" - რას ამბობს დაკავებული რომან პროტასევიჩი მეორე ვიდეოში, რომელსაც ბელარუსის მედია აქვეყნებს

ბელარუსის მედიამ დაკავებული ჟურნალისტის, რომან პროტასევიჩის, დაკითხვის ვიდეოჩანაწერის მეორე ნაწილი გაავრცელა, სადაც ის აცხადებს, რომ ოპოზიციის მოწოდებებს ქუჩის საპროტესტო აქციების გამართვასთან დაკავშირებით აზრი არ აქვს.

"ახლა ასეთი აქტივობა შეუძლებელია. როდესაც ვილნიუსში ვიყავი, ღიად ვთქვი, რომ ქუჩის პროტესტი საჭირო არ არის. ჩვენ სულ მცირე, უნდა დაველოდოთ ეკონომიკური ვითარების გამწვავებას, როდესაც ხალხი ქუჩაში ერთი ჯამი წვნიანისთვის გამოვა“, - ამბობს პროტასევიჩი ვიდეოჩანაწერში.

დაკითხვის ჩანაწერი რომან პროტასევიჩის დაკავებიდან მეორედ გავრცელდა. პირველ ჩანაწერში პროტასევიჩი აცხადებს, რომ სამართალდამცავები მას "მაქსიმალურად კორექტულად და კანონიერად“ ექცევიან. ამასთან, ჟურნალისტის განცხადებით, ის თანამშრომლობს გამოძიებასთან და აძლევს აღიარებით ჩვენებას მინსკში მასობრივი არეულობების ორგანიზებასთან დაკავშირებით. რამდენიმე დღის წინ გავრცელდა პროტასევიჩთან ერთად დაკავებული მისი მეგობარი გოგონას, სოფია საპეგას აღიარებითი ჩვენების ვიდეოჩანაწერიც.

სააგენტო Reuters-ი წერს, რომ ბელარუსი იყენებს სავარაუდოდ იძულებით მოპოვებულ აღიარებების ვიდეოს დაკავებების გასამართლებლად და ოპოზიცის მხარდამჭერი დემონსტრაციების შეჩერების მცდელობისთვის.

შეგახსენებთ, 23 მაისს, ბელარუსის ხელისუფლების გადაწყვეტილებით, Ryanair-ის თვითმფრინავი, რომელიც ათენი-ვილნიუსის რეისს ასრულებდა, მინსკში იძულებით დასვეს და ბორტზე მყოფი ჟურნალისტი, რომან პროტასევიჩი და მისი მეგობარი გოგონა დააკავეს. დასავლეთის ქვეყნებმა ინციდენტი დაგმეს და ევროკავშირის ბევრმა ქვეყანამ ბელარუსულ ავიაკომპანია "ბელავიას“ საჰაერო სივრცის გამოყენებაზე შეზღუდვები დაუწესა.

სამხრეთ აფრიკელმა ქალმა 10 ტყუპი გააჩინა და მსოფლიო რეკორდი დაამყარა - "შვიდი ბიჭია და სამი გოგონა, ძალიან ბედნიერი ვარ"

ნასროლი ფეხსაცმელი, კვერცხები და სენდვიჩები - მაკრონიდან ტრამპამდე: ყველაზე გახმაურებული თავდასხმები პოლიტიკოსებზე

"ფაფით ვისაუზმე... ხელებით ვიგებ რა მდგომარეობაშია კანი. სარკეს არ მაძლევენ" - რა მისწერა რომან პროტასევიჩის მეგობარმა გოგონამ მშობლებს ბელარუსის საპატიმროდან