ნასროლი ფეხსაცმელი, კვერცხები და სენდვიჩები - მაკრონიდან ტრამპამდე: ყველაზე გახმაურებული თავდასხმები პოლიტიკოსებზე

მედია, სოციალური ქსელები მოიცვა ვიდეომ, სადაც ჩანს, თუ როგორ გააწნა სილა ერთ-ერთმა მოქალაქემ საფრანგეთის პრეზიდენტს, ემანუელ მაკრონს. ეს არ არის პირველი შემთხვევა, როდესაც უკმაყოფილო მოქალაქეები თავიანთ ბრაზს ამა თუ იმ პოლიტიკოსისადმი რადიკალური ფორმით გამოხატავენ. გადავხედოთ სხვადასხვა დროს პოლიტიკოსებზე მოქალაქეების მხრიდან თავდასხმის ფაქტებს

• აშშ-ის ყოფილი პრეზიდენტი, ჯორჯ ბუში

2008 წელს, როდესაც ჯორჯ ბუში ერაყში, ბაღდადში ვიზიტით იმყოფებოდა, ერაყელმა ჟურნალისტმა მას ფეხსაცმელები ესროლა. მუნთადარ ალ ზაიდიმ ბუშის პრესკონფერენციის დროს ფეხსაცმელები გაიხადა და პრეზიდენტს ერთმანეთის მიყოლებით ესროლა უნდა აღინიშნოს, რომ ბუშს სწრაფი რეაქცია ჰქონდა და ორივე ფეხსაცმელი წარმატებით აიცილა.

"ძაღლო, ეს არის კოცნა ერაყელებისგან“, - ყვიროდა ჟურნალისტი. აღსანიშნავია, რომ ჟურნალისტის პატივისცემის ნიშნად ერაყში ფეხსაცმელის მონუმენტი აღმართეს,

<iframe width="560" height="315" src="https://www.youtube.com/embed/Z61kpyZ7rIE" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

• ავსტრალიის ყოფილი პრემიერ-მინისტრი ჯულია გილარდი

ავსტრალიის ყოფილი პრემიერ-მინისტრი ჯულია გილარდი ქვინსლენდის სკოლაში სტუდნეტებს ხვდებოდა, რა დროსაც ერთ-ერთმა სტუდნენტმა მას სენდვიჩი ესროლა. სკოლის წარმომადგენლებმა დაადგინეს, რომ პრემიერს სენდვიჩი 16 წლის ქაილი ტომპსონმა ესროლა.

<iframe width="560" height="315" src="https://www.youtube.com/embed/OAMx6XpVAhw" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

• ახალ მექსიკაში ქალაქ ალბუკერკეს მერობის კანდიდატი, მანუელ გონსალესი

ალბუკერკეს მერობის კანდიდატი, ყოფილი შერიფი, მანუელ გონსალესი მოსახლეობასთან შეხვედრას მართავდა, ამ დროს დრონით მის წინ სექს სათამაშო გაჩნდა. მოგვიანებით დრონი მისმა მფლობელმა, 20 წლის კაელანმა უკან წაიყვანა.

გავრცელებული ინფორმაციით, მერობის კანდიდატისა და დრონის მფლობელის პირადი შეხვედრისას ამ უკანასკნელმა მერობის კანდიდატს ტირანი უწოდა.

• კალიფორნიის ყოფილი გუბერნატორი, არნოლდ შვარცნეგერი

ყოფილ გუბერნატორს თავისი საარჩევნო კაპმანიის დროს 2003 წელს კვერცხები ესროლეს, თუმცა შვარცნეგერმა ამას ყურადღება არ მიაქცია და მხარდამჭერებთან შეხვედრა ღიმილიანი სახით გააგრძელა.

• აშშ-ის ყოფილი პრეზიდენტი, დონალდ ტრამპი

2017 წელს ტრამპს კაპიტოლიუმში რუსეთის დროშები გადმოაყარეს, ინციდენტის მომენტში ტრამპს უწოდეს მოღალატე და რუსეთის ხელისუფლებასთან გარიგებაში დაადანაშაულეს. წესრიგის დამრღვევი აქტივისტი რაიან კლეიტონი იყო, რომელიც მალევე დააკავეს.

<iframe width="560" height="315" src="https://www.youtube.com/embed/s_ARudjvn2A" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>