ავტორი:

შემოსავალი ძველი კონცერტებიდან და წილები რამდენიმე კომპანიაში - რა ქონებას ფლობს ბუბა კიკაბიძე ქონებრივი დეკლარაციის მიხედვით?

შემოსავალი ძველი კონცერტებიდან და წილები რამდენიმე კომპანიაში - რა ქონებას ფლობს ბუბა კიკაბიძე ქონებრივი დეკლარაციის მიხედვით?

ცნობილი მომღერალი და მსახიობი ვახტანგ (ბუბა) კიკაბიძე 1938 წლის 19 ივლისს დაიბადა და 82 წლის ასაკაში პარლამენტარიც გახდა. ის საკანონმდებლო ორგანოში "ნაციონალური მოძრაობის“ გარშემო შექმნილი ოპოზიციური გაერთიანების (ბლოკი "ერთიანი ნაციონალური მოძრაობა - გაერთიანებული ოპოზიცია "ძალა ერთობაშია“) ეგიდით მოხვდა.

შეგახსენებთ, 2020 წლის საპარლამენტო არჩევნების წინ, პოლიტიკურმა გაერთიანებამ თავისუფლების მოედანზე, დასკვნითი შეხვედრა გამართა, სადაც პარტიის საპარლამენტო სიის პირველმა ნომერმა ბუბა კიკაბიძემ ორი სიმღერა შეასრულა, მათ შორის, “თბილისოც”. კიკაბიძემ რამდენიმე სტროფი რუსულად იმღერა, რასაც სოციალურ ქსელებში ფართო გამოხმაურება მოჰყვა. როგორც შემდეგ გაირკვა, ტექნიკურ ჯგუფს ფონოგრამა აერია, სწორედ ამის გამო იმღერა ბუბა კიკაბიძემ რუსულად “თბილისოს” ნაწილი.

  • რა წერია ბუბა კიკაბიძის ქონებრივ დეკლარაციაში?

როგორც ირკვევა, ბუბა კიკაბიძემ ქონებრივი დეკლარაცია 2021 წლის 11 თებერავლს შეავსო, რომლის თანახმადაც არც მის და არც მისი მეუღლის სახელზე თბილისში საცხოვრებელი სახლი არ ფიქსირდება.

თუმცა საყოველთაოდ ცნობილია, რომ კიკაბიძეები ვაკეში, 3-სართულიან სახლში ცხოვრობენ, რომელიც, სავარაუდოდ, არც ბუბა კიკაბიძის და არც მისი მეუღლის სახელზე არ არის გაფორმებული და დეკლარაციაშიც ამიტომ არ მოხვდა.

ბუბა კიკაბიძე მეუღლესთან ერთად

ზოგადად, ბუბას პირადი ცხოვრება არც ისე გასაჯაროებულია, მას დიდად არ უყვარს ამაზე ლაპარაკი. მისი მეუღლე ირინა ქებაძე ცნობილი მსახიობის გურამ საღარაძის პირველი მეუღლე გახლდათ. მსახიობისგან ერთი ქალიშვილი მარინა საღარაძე ჰყავს. ცნობილია ისიც, რომ ბუბამ მარინა საკუთარი შვილივით გაზარდა და არც მის ვაჟს არჩევს საკუთარ შვილიშვილებში. ბუბას და ირინას საერთო ვაჟი - კონსტანტინე ჰყავთ, რომელიც კანადაში ცხოვრობს.

დავუბრუნდეთ დეკლარაციას, 2018 წელს ბუბა კიკაბიძისთვის ბათუმი, ხიმშიაშვილის ქუჩაზე, 45 კვ.მ ფართობის ბინა უჩუქებიათ, 2012 წელს კი, წყალტუბოს მუნიციპალიტეტის სოფელ გეგუთში, 12 000 დოლარად შეუძენია 10086 კვ.მ მიწის ნაკვეთი.

2017 წლიდან მის სახელზე ირიცხება ავტომობილი Lexus LX570, რომლის შეძენის ფორმად კვლავ ჩუქებაა მითითებული.

კიკაბიძეების სახლი ვაკეში

დეკლარაციის შევსების მომენტში, პარალამენტარს "საქართველოს ბანკის" სამ სხვადასხვა ანგარიშზე ერიცხებოდა შემდეგი რაოდენობის თანხები: ანაბარი - 7536,8 დოლარი, 2992,14 დოლარი და 4166,28 დოლარი.

გასული ერთი წლის განმავლობაში შემოსავლის სახით კი მითითებული აქვს თანხები ძველი კონცერტებიდან: 11 000 ლარისა და 5000 დოლარის ოდენობით.

რაც შეეხება მის სამეწარმეო საქმიანობას, ვახტანგ კიკაბიძე დეკლარაციაში წერს, რომ ფლობს წილებს რამდენიმე კომპანიაში:

ის, 7%-იანი წილით, პარტნიორია შპს-ში კუს ტბა კალა; ასევე შპს-ში კუს ტბა-2 (44%), შპს-ში კუს ტბა პალასი (22%), შპს-ში ფლაგ არტი. ამ კომპანიებიდან შემოსავალი დეკლარაციაში მითითებული არ არის.

"შეამჩნევდით, რომ პირველ რიგში ერთი სკამი ცარიელია..." - ვის სახსოვრად იყო ცარიელი სკამი კალაძის მერად წარდგენის ცერემონიაზე

5 ივლისი არის ჩვენი, ყველას ერთად გამოსაძიებელი... თუ მოძალადეები არ დაისჯებიან, მაშინ ერთად მოვთხოვოთ პასუხი იმ ადამიანებს, რომელთა ვალდებულებაცაა საქმის გამოძიება - მამუკა მდინარაძე

"არ გამოვა ასე, ბატონო კახა, უნდა აირჩიოთ, ან ხართ ღარიბაშვილისეული შავრაზმელი ან მილანელი, ურბანული ტიპის პერსონაჟი" - თინა ბოკუჩავა კალაძეს