აშშ-ის არმია საფრენი ზურგჩანთებით აღიჭურვება

ახალზელანდიური კომპანია Martin Aircraft Company იმედოვნებს, რომ აშშ-ის არმიის შეიარაღებაში მის შექმნილ პერსონალურ საფრენ აპარატს სულ მალე მიიღებენ.

ამ კონპანიის ინჟინრები საფრენ აპარატ Jetpack-ზე თითქმის 30 წელია მუშაობენ. აშშ-ის სამოქალაქო ავიაციის ფედერალური სამმართველო ამ აპარატით, რომელიც ბენზინის ძრავითა და ორი პროპელერით არის აღჭურვილი, ბოლო წლებია დაინტერესდა, შარშანწინ კი მას სერტიფიკატიც მიანიჭა.

სამხედროები Jetpack-ს ტვირთის გადასატან, უპილოტო საფრენ აპარატად გამოიყენებენ. "მფრინავ ზურგჩანთას" 3 კმ სიმაღლეზე აფრენა და 100 კმ/სთ სიჩქარის განვითარება შეუძლია. თეორიულად, აპარატი რთული რელიეფის ბრძოლის ველიდან ევაკუაციისთვისაც გამოდგება.

მომზადებულია martinjetpack.com-ის მიხედვით.