ვის მისცემდა მოსახლეობა ხმას, დღეს რომ თბილისის მერის არჩევნები ტარდებოდეს - რა შედეგი აჩვენა Edison Research-ის კვლევამ
ტელეკომპანია "ფორმულა“ Edison Research-ის მიერ ჩატარებული საზოგადოებრივი კვლევის შედეგებს აქვეყნებს.
Edison Research-ის საზოგადოებრივი აზრის კვლევის შედეგების მიხედვით, კითხვაზე, ვის მისცემდნენ ხმას, თბილისის მერის არჩევნები რომ დღეს ტარდებოდეს და არჩევანი შემდეგ კანდიდატებს შორის იყოს გასაკეთებელი, მოსახლეობის მხარდაჭერა ასე ნაწილდება:
- გაერთიანებული ოპოზიციის კანდიდატი - 34%
- "ქართული ოცნების" კანდიდატი - 30%
- გახარიას პარტია "საქართველოსთვის" კანდიდატი - 13%
"ფორმულას“ ინფორმაციით, საზოგადოებრივი აზრის გამოკითხვა ტელეკომპანია ფორმულას დაკვეთით ავტორიტეტულმა კვლევითმა კომპანიამ Edison Research ჩაატარა.
კვლევის ფარგლებში, პირისპირი გამოკითხვის მეთოდით, ქვეყნის მასშტაბით გამოიკითხა საქართველოში მცხოვრები 1500 საარჩევნო უფლების მქონე 18 წლისა და მეტი ასაკის ადამიანი. მათ შორის, 800 თბილისში, 700 დედაქალაქს გარეთ. კვლევა 7 - 19 ივნისის პერიოდში ჩატარდა. შედეგების ცდომილება +/- 3%-ია.
"მე მომეჩვენა, რომ ბატონი ბიძინა ჩემი კაბინეტის რამოდენიმე მინისტრს მართავდა" - გიორგი გახარია
"თქვენგან განსხვავებით, ჩვენი ქვეყნისთვის არცერთი კაპიკი არ მომიპარავს - ნუ ყვირიხართ, დამამთავრებინეთ ბიჭო, მე თუ რამეს მივაღწიე, მივაღწიე მხოლოდ ჩემი შრომით" - პრემიერი ოპოზიციას
