ავტორი:

"ცოცხალი გვამი ვარ და საკუთარ თავზეც გაბრაზებული!" - რას წერს პეტრე კოლხი გუშინ თბილისში მომხდარ ძალადობის ფაქტებზე

"ცოცხალი გვამი ვარ და საკუთარ თავზეც გაბრაზებული!" - რას წერს პეტრე კოლხი გუშინ თბილისში მომხდარ ძალადობის ფაქტებზე

მამა პეტრე კოლხი გუშინ "თბილისი პრაიდის" გარშემო განვითარებულ მოვლენებს "ფეისბუქის" პირად გვერდზე რამდენიმე პოსტით ეხმაურება:

"საკამათოდ არ ვამბობ, გული გამეხლიჩა… გუშინდელმა დღემ კიდევ ერთხელ დამარწმუნა, ეკლესიის რაღაც ნაწილმა ძალადობით და აგრესიით გადაწყვიტა ქრისტიანობის დაცვა… არც ანალიზის გაკეთებას ვაპირებ და არც მტყუან-მართლის გამოძიებას… არ მინდა ქართული ეკლესიის განათლებული ნაწილი წავიდეს და ფანატიკოსებმა ადამიანების სული ბოლომდე დაამახინჯონ… ჩვენ ყველაზე რთულ პერიოდში ვიმყოფებით… ჩვენ უსახელოდ მივინავლებით, მაგრამ ჩვენი შვილების თაობა არასდროს შეეგუება ძალადობრივი გზით ნაქადაგებ ქრისტეს… ახლა ძალიან მიჭირს… ჩემი მეგობარი ადგა და წავიდა… არა, ცოცხალია… უბრალოდ, ადგა და წავიდა… ცალი ფრთა მომატყდა… ახლა ყოველი წუთი და უმნიშვნელო საუბარი მიტრიალებს ტვინში… დავცინოდი, ბოდვებს მოეშვი, სად წამსვლელი ხარ, მეთქი… ბევრ რამეს ვერ გაუძლო… ვერც გაუძლებდა… მისი ცოდნის, განათლების, ინტელექტის და რწმენის საპირისპირო რელიგია ჩამოყალიბდა ჩვენ ქვეყანაში… არ მინდა ჯანსაღი ნაწილი დაიკარგოს… ფაქიზი სულის ადამინები ვერ გაუძლებენ ძალადობას, აგრესიას, მრისხანე სახეებს… ის არ დაიკარგება… მე კი მის გარეშე ძალიან გამიჭირდება… ალბათ ვერც გავუძლებ!.. ცოცხალი გვამი ვარ და საკუთარ თავზეც გაბრაზებული!"

ვისაც ადამიანების დასისხლიანება ახარებს, ვინც აგრესიული გამოსვლებით სიწმინდეს იცავს, არის ღვთის მგმობელი…

"ვინც ძალადობას ამართლებს, ვისაც ადამიანების დასისხლიანება ახარებს, ვინც აგრესიული გამოსვლებით სიწმინდეს იცავს, არის ღვთის მგმობელი… და კიდევ, ვინც არაადექვატური კომენტარებით გამოჩნდება, უპირობოდ ვბლოკავ…"

"ძალიან ბევრ ადამიანს არ ვეთანხმები, მაგრამ არასდროს მიფიქრია ვინმეს ლანძღვა და შეურაცხყოფა… საკუთარი აზრი ყველამ გამოთქვას, უფრო გასაგები იქნება აგრესიის და უკულტურობის გარეშე… პატივისცემით!.."

ჩვენი შვილების თაობა არასდროს შეეგუება ძალადობრივი გზით ნაქადაგებ ქრისტეს

"როგორ მინდა ჩვენი ერთიანობა, ეროვნულობა და სარწმუნოება საქართველოს დაპატარავებულ საზღვრებთანაც დავიცვათ… აი, იქ, სადაც მავთულხლართებშია გაბმული დანაკუწებული საქართველო… იქ არის ჩვენი დიდგორი, შამქორიც და ბასიანიც…"

"თუ მე მეორედ ჩამოტარებულ ხინკლად მთვლი, მგონი სჯობს, გააგრძელოთ რუსული, დიეტური, კატლეტის ჭამა" - რას პასუხობს სააკაშვილი პატარაიას?

"დღეს, შოთა ქარსელაძე მიიბარა ქართულმა მიწამ... მან გმირობის მაგალითი მოგვცა" - რას წერს თალაკვაძე ბიჭზე, რომელმაც სიცოცხლის ფასად მოზარდი გადაარჩინა

"ევროპაში არცთუ დიდი ხნის წინ ქალს ხმა არ ქონდა არჩევნებში... ჩვენს სტრატეგიულ პარტნიორ ამერიკაში ფერადკანიანებს დევნიდნენ..." - რას წერს მაკა ჩიჩუა