ეკვადორი Wikileaks-ის დამფუძნებელს თავშესაფარს სთავაზობს
ეკვადორის საგარეო საქმეთა სამინისტრო მზადყოფნას გამოთქვამს, Wikileaks-ის დამფუძნებელს, ჯულიან ასანჟს თავშესაფარი მისცეს, - ამის შესახებ "ვაშინგტონ პოსტი" იუწყება.
"ჩვენ მზად ვართ, მივცეთ მას ჩვენს ქვეყანაში ცხოვრების უფლება, ყოველგვარი მოთხოვნებისა და წინაპირობების გარეშე", - განაცხადა ეკვადორის საგარეო საქმეთა მინისტრის მოადგილემ.
Wikileaks-ის დამფუძნებლის განცხადების თანახმად, იგი ფლობს 1600-ზე მეტ დოკუმენტს, რომელიც ეკვადორის დედაქალაქ კიტოში აშშ-ის საელჩოს საქმიანობას უკავშირდება. აღნიშნული დოკუმენტები ჯერ არ გამოქვეყნებულა.
მიმდინარე თვის დასაწყისში შვედეთის პროკურატურამ ჯულიან ასანჟის დასაპატიმრებლად საერთაშორისო ორდერი გასცა. ის სექსუალურ ძალადობაშია ბრალდებული.
Wikileaks-მა გუშინ მორიგი სკანდალური დოკუმენტაცია გამოაქვეყნა, რომელიც აშშ-ის ოფიციალურ პირებს შორის მიმოწერას ეხება. დოკუმენტებში საუბარია საქართველოზეც.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
