პარტნიორები:
ავტორი:

"შესაშური ბიოგრაფია აქვს ამ ასაკში!" - ვინ არის ახალგაზრდა სასულიერო პირი, რომელიც სოციალურ ქსელში პოპულარული გახდა

"შესაშური ბიოგრაფია აქვს ამ ასაკში!" - ვინ არის ახალგაზრდა სასულიერო პირი, რომელიც სოციალურ ქსელში პოპულარული გახდა

სასულიერო პირი, მამა ირინეოს შენგელია, გადაჭარბებული არ იქნება თუ ვიტყვით, რომ სოციალური ქსელების ვარსკვლავი გახდა.

ყველაფერი კი სამების ტაძარში გადაღებული ფოტოს გავრცელებით დაიწყო - მამა ირინეოსი პატრიარქის გამორჩევის ცერემონიაზე იმყოფებოდა და დელეგატებს შორის იყო.

  • როგორც "ფეისბუქში" მამა ირინეოსის ანგარიშიდან ირკვევა, ის 1996 წელსაა დაბადებული. აი, რას წერს მის შესახებ დედა სიდონია:

"შესაშური ბიოგრაფია აქვს ამ ასაკში!

"2014 წელს წარჩინებით დაასრულა ქალაქ თბილისის Ν99 საჯარო სკოლა. 2015-16 წლებში სწავლობდა ქალაქ თბილისის სასულიერო სემინარიაში. 2016 წელს ელადის (საბერძნეთი) მართლმადიდებელ ეკლესიაში აღიკვეცა მონაზვნად.

2017-2018 წლებში, საბერძნეთის მართლმადიდებელი ეკლესიის, დრამის მიტროპოლიტ პავლეს რეკომენდაციითა და წარგზავნით ცხოვრობდა და მოღვაწეობდა ათონის წმინდა მთაზე, წმინდა პავლეს მონასტერში, სულიერი და ასკეტური ცხოვრების პრაქტიკული შესწავლისთვის. 2018-2019 წლებში შეისწავლა თანამედროვე ბერძნული ენა და მიენიჭა არისტოტელეს სახელმწიფო უნივერსიტეტის ბერძნული ენის ცოდნის დამადასტურებელი სერთიფიკატი B2 დონე.

2019-2022 წლებში სწავლობდა საბერძნეთში, თესალონიკის უმაღლეს საეკლესიო აკადემიაში, სამოძღვრო (პასტორალური) და სოციალური თეოლოგიის ფაკულტეტზე. 2022-2023 წლებში, ჩრდ. ამერიკის ეპისკოპოს საბას ლოცვა-კურთხევითა და რეკომენდაციით სწავლობდა შვეიცარიაში, ჟენევის უნივერსიტეტთან არსებულ, Bossey Ecumenical Institute-ში, CAS-ES გაძლიერებული სწავლის ფორმაციულ კურსზე, სადაც შეისწავლა მოდული “Ecumenical Biblical Hermeneutics” და დაიცვა აკადემიური ნაშრომი, თემაზე: “შერეული ქორწინება მართლმადიდებელი ეკლესიის პერსპექტივიდან”.

2022-2023 წლებში სწავლობდა საბერძნეთში, ათენის უმაღლეს საეკლესიო აკადემიაში, სამოძღვრო (პასტორალური) და სოციალური თეოლოგიის ფაკულტეტზე, სადაც უმაღლესი შეფასებით დაიცვა სადიპლომო აკადემიური ნაშრომი, თემაზე: "XVI საუკუნის რელიგიური რეფორმაცია: პროტესტანტული თეოლოგიის საწყისები“.2025 წლის 14 იანვარს, ამერიკის ბერძნული სამთავარეპისკოპოსოს სტიპენდიით (100% დაფინანსებით) ჩაირიცხა ბოსტონის Holy Cross School of Theology-ში, გაძლიერებულ მაგისტრატურაზე ThM (Advanced Master of Theology).

მღვდელმონაზონ ირინეოსს მონაწილეობა მიღებული აქვს მრავალ საერთაშორისო საღვთისმეტყველო კონფერენციასა და სიმპოზიუმში, მათ შორის: გერმანიაში, შვეიცარიაში, საფრანგეთში, საბერძნეთში, შვედეთში, ნორვეგიაში, უკრაინაში, იტალიაში, ისრაელში, აშშ-ში და ა.შ.

მას ეკუთვნის არაერთი თეოლოგიური ნაშრომი ქართულ, ბერძნულ და ინგლისურ ენებზე, მათ შორის:

1. სახარებისეული პასაჟის ინტერპრეტაცია - "ქრისტე მეუფის შეხვედრა მდიდარ მებაჟე ზაქესთან”.

2. "თეოლოგიის მნიშვნელობა და მისი გამოხატვის გზა“.

3. "თანამედროვე ოკულტიზმის ნაირსახეობები - მაგია და მართლმადიდებელი ეკლესია“.

4. "ქრისტიანული წეს-ჩვეულებების თეოლოგია (კითხვა-პასუხი)“

5. "ყველაფერი უკრაინის ავტოკეფალიის შესახებ“ (თანაავტორი).ფლობს ქართულ (მშობლიური), ბერძნულ, ძველბერძნულ და ინგლისურ ენებს", - აღნიშნავს დედა სიდონია.

თვითონ მამა ირინეოსს კი დღევანდელი დღის შესახებ შემდეგი პოსტი აქვს გამოქვეყნებული:

"დღეს მე ვიყავი საქართველოს მართლმადიდებელი ეკლესიის მე-14 გაფართოებული საეკლესიო კრების მონაწილე დელეგატი, იმ კრების, რომელმაც ივერიის უძველესი ეკლესიის საყდარზე მიტროპოლიტ შიოს კათალიკოზად არჩევა დაადასტურა.უწმინდესო და უნეტარესო შიო, აზრთა სხვადასხვაობის მიუხედავად კრებსითობის დაცვით, თქვენ გახდით ჩვენი ეკლესიის წინამძღოლი, სწორედ ამიტომ, გულწრფელად გისურვებთ, თქვენი პატრიარქობა იქცეს მშვიდობის, მოწყალების, შერიგებისა და ერთობის განმტკიცების პლატფორმად.

იმედი მაქვს, შეძლებთ იყოთ ყველა ადამიანის მამა, მათთვისაც ვინც მხარს გიჭერდათ და მათთვისაც, ვინც სხვაგვარად ფიქრობდა. დღეს ეკლესიასა და საზოგადოებას განსაკუთრებით სჭირდება სიყვარული, მოთმინება, სამართლიანობა და გამაერთიანებელი სიტყვა.ღმერთმა მოგანიჭოთ ძალა, სიბრძნე და სიმდაბლე ამ დიდი ჯვრის ტარებაში.ჩემი თაობის სასულიერო პირები, რომლებმაც გავარღვიეთ ბარიერები და განათლება დასავლეთში მივიღეთ, ისინი ვინც უანგაროდ და წმინდად ვემსახურებით ქრისტეს ეკლესიას, გამოვთქვამთ იმედს, რომ თქვენ გამოიყენებთ ჩვენს რესურსს საქართველოს ეკლესიის კეთილდღეობისა და აღმავლობისთვის! ჩვენი სამწყსოს ბედნიერებისთვის და ცხონებისთვის! უფალი გფარავდეთ!" - წერს ირინეოსი.

ტეგები თემაზე: