შეტაკებები გულშემატკივრებსა და პოლიციას შორის, არეულობა და 400-ზე მეტი დაკავებული - რა ხდებოდა საფრანგეთში პსჟ-ს ჩემპიონობის შემდეგ (ფოტოები)
მას შემდეგ, რაც ჩემპიონთა ლიგაზე პსჟ-მ გაიმარჯვა, საფრანგეთის მასშტაბით, ფეხბურთის გულშემატკივრებსა და პოლიციას შორის შეტაკებები იყო. მედიის ცნობით, სამართალდამცველებმა 400-ზე მეტი ადამიანი დააკავეს.
არეულობის აღსაკვეთად, რომელმაც დედაქალაქ პარიზში ავტობუსების, მატარებლებისა და სარკინიგზო მიმოსვლის შეფერხება გამოიწვია, ათასობით პოლიციელი იყო მობილიზებული.
- გულშემატკივრები უშვებდნენ ფეიერვერკებსა და ხმოვან მაშხალებს. დაპირისპირების დროს რამდენიმე პოლიციელი დაშავდა. ქალაქის ცენტრში შეკრებილი ხალხის დასაშლელად პოლიციამ ცრემლსადენი გაზი გამოიყენა.
აღსანიშნავია, რომ 2025 წელს, როდესაც პსჟ-მ პირველად მოიპოვა ჩემპიონთა ლიგის გამარჯვებულის ტიტული, საფრანგეთში დაწყებული ზეიმი სასიკვდილო შედეგებით დასრულდა.
პარიზიდან გავრცელებულ კადრებში ჩანს, რომ ქუჩებში ცეცხლის ალია, ხოლო ზეიმში მონაწილე პირები ამსხვრევენ მაღაზიების ვიტრინებს.
პოლიციის ინფორმაციით, არეულობის დროს დაზიანდა ექვსი ავტომობილი, ორი ბიზნესობიექტი და ერთი ავტობუსის გაჩერება.
- ნახეთ ასევე:
- კვლავ პსჟ და კვლავ ქართველის გადამწყვეტი მომენტი - პარიზელები ჩემპიონთა ლიგის გამარჯვებულები არიან:ვინ რა შეფასება მიიღო
- "ადამიანს თუ მიზანი აქვს, ყველაფრის გაკეთება შეუძლია" - რა თქვა ჩემპიონთა ლიგის ორგზის ჩემპიონმა, ხვიჩა კვარაცხელიამ
- "იმის ყურება, როგორ აიხდინე ყველაფერი, რაზეც ოდესღაც ლოცულობდი და ოცნებობდი, ყველაზე საოცარი რამაა" - რას წერს და რა კადრებს აქვეყნებს ნიცა თავაძე