ჰაიტის საპრეზიდენტო არჩევნებში მუსიკოსმა, მეტსახელად "ტკბილმა მიკიმ” გაიმარჯვა

ჰაიტიზე საპრეზიდენტო არჩევნების მეორე ტურში, წინასწარი მონაცემებით, გამარჯვება მუსიკოსმა მიშელ მარტეიმ, მეტსახელად "ტკბილმა მიკიმ" მოიპოვა. 

მარტეის კონკურენტი ყოფილი სენატორი და ექს-პრეზიდენტ ლესლი მანიგის მეუღლე მირლანდ მანიგა იყო. მუსიკოსმა ამომრჩეველთა ხმების 67,57% მიიღო, მისმა მოწინააღმდეგემ კი - 31,74%.

არჩევნების საბოლოო შედეგები 16 აპრილის შემდეგ გახდება ცნობილი. 14 მაისს ახალი პრეზიდენტი ფიცს დადებს და პრეზიდენტის თანამდებობაზე სახელმწიფოს ამჟამინდელ მეთაურს რენე პრევალს 5 წლიანი ვადით შეცვლის.

ჰაიტიზე 2010 წლის იანვარში მომხდარი დამანგრეველი მიწისძვრის შემდეგ, აღდგენითი სამუშაოები დღემდე გრძელდება. მიწისძვრის შედეგად, 200 000-ზე მეტი ადამიანი დაიღუპა, ჰაიტის ნახევარი მლნ მკვიდრი კი უსახლკაროდ დარჩა.

მომზადებულია rian.ru-ს მიხედვით.