9 მაისს აღლუმის ჩატარება აუცილებელია, რადგან ამ დღეს რუსეთის სიძლიერის დემონსტრირება ხდება , - "გაზეტა.რუს" ცნობით, ამის შესახებ, რუსეთის პრეზიდენტმა დიმიტრი მედვედევმა განაცხადა.
"ჩვენს ქვეყანაში სამხედრო აღლუმს უზარმაზარი აღმზრდელობით მნიშვნელობა გააჩნია", -აღნიშნა მედვედევმა ომის ვეტერანებთან შეხვედრაზე.
მისი თქმით, ბევრჯერ წაუკითხავს და მოუსმენია აზრი, რა საჭიროა აღლუმზე ტექნიკის გამოყვანა. "ადამიანები, რომლებიც უყურებენ ამ აღლუმებს, ხედავენ, რომ რუსეთს გააჩნია ბრძოლისუნარიანი ტექნიკა და სამხედრო ძალა და არმიას შეუძლია რეალური საბრძოლო ამოცანების შესრულება. მიმაჩნია, რომ სწორად მოვიქეცით აღლუმები რომ აღვადგინეთ", -განაცხადა რუსეთის პრეზიდენტმა.