”მექანიკური ფორთოხალი” ”თავისუფალი თეატრის” სცენაზე
"თავისუფალი თეატრი" დეკემბრის შუა რიცხვებში ენტონი ბერჯესის რომანის - "მექანიკური ფორთოხალის" მიხედვით დადგმული სპექტაკლის პრემიერით წარსდგება მაყურებლის წინაშე.
როგორც "ამბები.გე"-ს სპექტაკლის რეჟისორმა ავთანდილ ვარსიმაშვილმა აცნობა, მან რომანი გადმოაქართულა და მოქმედება გასული საუკუნის 90-იან წლებში გადმოიტანა.
”თავის დროზე ენტონი ბერჯესის რომანმა "მექანიკურმა ფორთოხალმა" და სტენლი კუბრიკის გადაღებულმა ამავე სახელწოდების ფილმმა საზოგადოების დიდი ინტერესი გამოიწვია. გადავწყვიტე რომანის ეპოქა საქართველოს 90-იანი წლების ეპოქაში გადმოვიტანო. მინდა ამ პერიოდის მეშვეობით გავაკეთო ანალიზი თუ რა ხდება დღეს ჩვენ საზოგადოებაში. ამ სპექტაკლში საინტერესო ამბები მოხდება”, - განაცხადა რეჟისორმა.
ვარსიმაშვილის ინფორმაციით, სპექტაკლი დიდ ინტერესს გამოიწვევს არა მარტო თეატრალურ წრეეში, არამედ საზოგადოებაშიც. სპექტაკლში "თავისუფალი თეატრის" ყველა მსახიობი ითამაშებს.
გოგა ბერიძე
სალომე ჭაჭუა უცხოეთში მიემგზავრება - რომელი ქვეყნის "ცეკვავენ ვარსკვლავებში" გამოჩნდება მოცეკვავე
"სადაც არ უნდა ყოფილიყო, ყოველთვის სახლში ბრუნდებოდა... თბილისში..." - რას წერს გენიალურ კომპოზიტორზე ხელოვნებათმცოდნე
