ჰოლი ბერი: "ვინ იფიქრებდა, რომ დავინიშნებოდი"

მსახიობი ჰოლი ბერი მსახიობ ოლივიე მარტინესზეა დანიშნული. ვარსკვლავმა dailymail-ისთვის მიცემულ ინტერვიუში აღნიშნა, რომ ვერასდროს იფიქრებდა, თუკი ორი უიღბლო ქორწინების შემდეგ ამ ნაბიჯს ისევ გადადგამდა.

"ვინ იფიქრებდა?! დავიფიცე, რომ ნიშნობაზე აღარასდროს ვიფიქრებდი, მაგრამ თურმე ვცდებოდი. არასდროს თქვათ, არასდროს", - განაცხადა ვარსკვლავმა.

ჰოლის ორი უიღბლო ქორწინება ჰქონდა. ჯერ ყოფილ ბეისბოლისტ - დევიდ ჯუსტიციზე დაქორწინდა, მისი მეორე მეუღლე კი ამერიკელი მომღერალი ერიკ ბენეტი იყო.

მსახიობის საქმრო - ოლივიე მარტინესი მექალთანის რეპუტაციით სარგებლობს. მისი ყოფილი საყვარლების ნუსხა მოდელებისა და მსახიობებისგან შედგება. მარტინესს რომანი მომღერალ კაილი მინოუგისთანაც ჰქონდა.

მომზადებულია dailymail.co.uk- ის მიხედვით.