ვლადიმერ პუტინმა ანდრეი მაკარევიჩს ღია წერილზე უპასუხა
რუსეთის პრეზიდენტმა, ვლადიმერ პუტინმა, ცნობილი რუსული როკ-ჯგუფის, "მაშინა ვრემენის" ლიდერს, ანდრეი მაკარევიჩს მისთვის გაგზავნილ ღია წერილზე უპასუხა. წერილში მუსიკოსი ქვეყანაში გამეფებულ კორუფციაზე წერდა, რაზეც პრეზიდენტმა ასე უპასუხა:
"ის, რომ ამ პრობლემას ადამიანები ყურადღებას აქცევენ, უკვე კარგია. მაგრამ საეჭვოა, რომ ვინც ამას ყურადღებას აქცევს, შეეძლოს ეფექტური მეთოდების შემოთავაზებაsalesland.ge - ფასდაკლებების სამყარო! კორუფციასთან საბრძოლველად. ნებისმიერი ქვეყნის გარდამავალი პერიოდის ეკონომიკაში არსებობს კორუფცია. ამაში, ჩინოვნიკებთან ერთად, ბიზნესმენებიც თანაბრად არიან დამნაშავენი, რომლებიც მათ პროვოცირებას უკეთებენ. ამიტომ, კარგი იქნებოდა თუ მეორე წერილს ბიზნესის წარმომადგენლებს გაუგზავნიდა. ისიც მინდა შეგახსენოთ, რომ რუსეთის ფედერაციის კანონმდებლობის მიხედვით, თანაბრად ისჯება როგორც ქრთამის ამღები, ისე შემთავაზებელი. თუმცა, ის, რომ სახელმწიფომ უნდა გააძლიეროს კორუფციასთან ბრძოლა, ყველასათვის ცხადია", - განაცხადა პუტინმა.
პრეზიდენტისთვის მიწერილ ღია წერილში ანდრეი მაკარევიჩი ვლადიმერ პუტინს ქვეყანაში ჩინოვნიკებისა და მოსამართლეების კორუმპირებულობაზე და ე.წ. "ატკატებზე" წერდა, რისი რეალური მასშტაბების შესახებაც, მუსიკოსს ეჭვი ჰქონდა, რომ პრეზიდენტი არ იყო ინფორმირებული.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
