ნაომი კემპბელი პოდიუმზე დაბრუნდა

მოდელი ნაომი კემპბელი პოდიუმზე დაბრუნდა. მან ნიუ-იორკის მოდის კვირეულზე ამერიკელი დიზაინერის, ზაკ პოზენის გაზაფხული-ზაფხულის კოლექცია წარმოადგინა. საზოგადოებისთვის ნაომის პოდიუმზე გამოჩენა დიდი სიურპრიზი იყო. ამას არც ჩვენებაზე მიწვეული ფოტოგრაფები ელოდნენ.

შოუში ასევე მონაწილეობდა კანადელი სუპერმოდელი კოკო როშა. ღონისძიების საპატიო სტუმრებს შორის იყვნენ ოზი ოსბორნის ქალიშვილი, დიზაინერი კელი ოსბორნი და ტელეწამყვანი ალექსა ჩანგი. ღონისძიების დასრულების შემდეგ პოზენმა "ტვიტერში" ფოტოები განათავსა, რომელზეც ჩანს, თუ როგორ ემზადება ნაომი ჩვენებისთვის.

მომზადებულია dailymail.co.uk-ის მიხედვით.

იხილეთ ვიდეო: ნაომი კემპბელი "Pinko"-ს სარეკლამო კამპანიაში