სეულში ლედი გაგას ქართველი ფანები გამოუჩნდნენ

ლედი გაგა მსოფლიო ტურნეს ფარგლებში აზიის აღმოსავლეთსაც ეწვია. მომღერალმა სამხრეთ კორეის დედაქალაქ სეულში ოლიმპიურ მოედანზე კონცერტი გამართა, რომელსაც ათასობით ადგილობრივი და სპეციალურად ამ ღონისძიებისთვის ჩასული ახალგაზრდა დაესწრო.

გაგას ფანები კონცერტზე პლაკატებით მივიდნენ. ერთ-ერთი თაყვანისმცემლის პლაკატზე გაგას სახელი რამდენიმე ენაზე ეწერა, მათ შორის ქართულადაც.

ფოტო, რომელიც ინტერნეტში გავრცელდა, "როიტერის" ფოტორეპორტიორ კიმ ჰონგ-ჯის ეკუთვნის. ქართულ წარწერას პლაკატზე რუსული, ინგლისური, არაბული და იაპონური წარწერები ემეზობლებოდა.