სტამბულში მომხდარ აფეთქებას მსხვერპლი მოჰყვა

სტამბულში, პოლიციის განყოფილებათან მომხდარ აფეთქებას სულ მცირე, ერთი პოლიციელი ემსხვერპლა.

ადგილობრივი მედიის ცნობით, დაჭრილია 8 ადამიანი.

რაიონი, სადაც ტერაქტი განხორციელდა, პოლიციას ბლოკირებული აქვს. შემთხვევის ადგილისკენ სასწრაფო დახმარების ბრიგადები მიემართებიან. თურქეთის მთავრობას მომხდართან დაკავშირებით კომენტარი არ გაუკეთებია. მომხდარზე პასუხისმგებლობას ჯერჯერობით არც ერთი რადიკალური დაჯგუფება არ იღებს, თუმცა სამართალდამცავების ვარაუდით, ტერაქტი ქურთი სეპარატისტების მოწყობილია.

თურქეთის ერთ-ერთ უმსხვილეს ქალაქ სტამბულში პოლიციის განყოფილებასთან აფეთქება ცოტა ხნის წინ მოხდა.

წინასწარი ინფორმაციით, თავი თვითმკვლელმა ტერორისტმა აიფეთქა.

"ინტერპრესნიუსი"