კრისტენ სტუარტმა 4.8 მლნ დოლარად სახლი იყიდა

ცნობილმა მსახიობმა, კრისტენ სტუარტმა, რომელიც შეყვარებულის, რობერტ პატინსონის სახლიდან გადავიდა, საკუთარი სახლი შეიძინა.

ლუქს-კლასის აპარტამენტები მალიბუში მდებარეობს. უძრავი ქონება 4.8 მლნ დოლარად არის შეფასებული. სახლში 5 საძინებელი და 5 სააბაზანოა. შენობის ტერიტორიაზე მეორე, შედარებით პატარა ზომის სახლიც მდებარეობს, რომელიც სტუმრებისთვის არის განკუთვნილი.

22 წლის მსახიობმა შენაძენი დედამისის, ჯულს მენ სტუარტის სახელზე გააფორმა.

შეგახსენებთ, რომ კრისტენი და მისი საყვარელი, რობერტ პატინსონი ერთმანეთს მას შემდეგ დაშორდნენ, რაც გაირკვა, რომ კრისტენი მას რეჟისორ რუპერტ სანდერსთან ღალატობდა. სკანდალის შემდეგ მსახიობმა რამდენიმე კვირაში დატოვა პატინსონის სახლი.

მომზადებულია hollywoodlife.com-ის მიხედვით.