სამხედრო ბაზას, სადაც პრინცი ჰარი მსახურობს, თავს დაესხნენ

სამხედრო ბაზაზე, სადაც დიდი ბრიტანეთის პრინცი ჰარი მსახურობს, თავდასხმა განხორციელდა. BBC new-ის ინფორმაციით, ავღანეთის სამხრეთში, ჰელმანდის პროვინციაში მდებარე ბაზა "ბასტიონზე" "თალიბების" თავდასხმას ორი ამერიკელი საზღვაო ქვეითი ემსხვერპლა. "თალიბების" შეტევის დროს ბაზაზე ბრიტანეთის პრინცი ჰარიც იმყოფებოდა, რომელიც ავღანეთში 4 თვიანი მისიით უკვე მეორედ იმყოფება.

ნატო-ს ძალების წარმომადგენლების განცხადებით, პრინც ჰარის ავღანეთში სამსახურის განმავლობაში მსგავსი საფრთხე არასდროს შექმნია.

ბრიტანულ ბაზაზე, სადაც ამერიკული და ევროპული დანაყოფები არიან დაბანაკებული, შეტევა 10-მდე თალიბმა ავტომატური ცეცხლსასროლი იარაღით და ყუმბარმტყორცნებით მიიტანეს.

"თალიბანის" წარმომადგენლები ავრცელებენ ინფორმაციას, რომ თავდასხმის მთავარი მიზანი ამერიკელი სამხედროების განადგურება და ამით ანტიმუსლიმანური ფილმის გავრცელების გამო შურისძიება იყო.

იხილეთ ვიდეო

"ინტერპრესნიუსი"