40 წლის კამერონ დიასის ფოტოსესია

ცნობილმა მსახიობმა, კამერონ დიასმა ჟურნალ Esquire-ისთვის იპოზიორა. სესია მიუხედავად კამერონის ასაკისა (მსახიობი 40 წლისაა) საკმაოდ სექსუალური გამოვიდა. ვარსკვლავმა ჟურნალს ინტერვიუც მისცა, სადაც საკუთარ ასაკზე, გათხოვებასა და ბავშვებზე ისაუბრა.

"ცხოვრებაში პირველად ყველაფრით კმაყოფილი ვარ. ძალიან მიხარია. ასაკის მატება, ზრდა - საუკეთესო რამაა ცხოვრებაში. მაგალითად, მე ახლა იმაზე მეტი რამ ვიცი, ვიდრე ოდესმე ვიცოდი და ამისთვის მადლობელი ვარ. უკეთ ვიცნობ საკუთარ თავს. ვგრძნობ, რომ უფრო ძლიერი ვარ. ფიზიკურადაც, 40 წლის ასაკში თავს გაცილებით უკეთ ვგრძნობ, ვიდრე 25 წლისა."

"ქორწინება არასდროს ყოფილა ის, რისკენაც ვილტვოდი. დარწმუნებით შემიძლია ვთქვა, რომ გათხოვება 20-30 წლის ასაკში ნამდვილად არ მინდოდა."

"ჩემთვის არ აქვს იმას განსაკუთრებული მნიშვნელობა, რომ ბავში მაინც და მაინც ჩემი იყოს. უამრავი სხვა გზაც არსებობს. ამასთან, სულაც არ ვგრძნობ თავს  ბავშვის გაჩენისთვის უკვე დაბერებულად", - განაცხადა მსახიობმა.

მომზადებულია Esquire-ის მიხედვით.