გერმანიაში 11 000 ადამიანი ჩინური მარწყვით მოიწამლა

გერმანიაში ნაწლავური ინფექციის შედეგად 11 000-ზე მეტი ადამიანი დაზიანდა. ე.წ ნოროვირუსია ჩინეთიდან ჩამოტანილ გაყინულ მარწყვში აღმოაჩინეს.

"მარწყვში ნოროვირუსების არსებობა დადასტურებულია. ინფექციის გავრცელების სხვა მიზეზები გამორიცხულია", - აცხადებს საქსონიის ჯანდაცვის სამინისტროს წარმომადგენელი.

გერმანიაში მოწამვლის  პირველი შემთხვევები ერთი კვირის წინ დააფიქსირეს. დაზარალებულების უმეტესობა მოსწავლეები და საბვშვო ბაღების აღმზრდელები არიან. ავადმყოფობის სიმპტომები გულისრევა და კუჭის აშლილობაა.

ექსპერტები დარწმუნებული არიან, რომ ინფექციის გამომწვევი მიზეზი გერმანული კომპანია Sodexo-ს პროდუქციაა. სწორედ იგი აწვდის საგანმანათლებლო დაწესებულებებს საუზმესა და სადილს, რომელიც ჩინურ მარწყვს შეიცავდა. 

მომზადებულია newsru.com-ის მიხედვით.