ჯენიფერ ენისტონის ნიშნობის ბეჭედს უზარმაზარი ბრილიანტი ამშვენებს

უკვე ორი თვე გავიდა მას შემდეგ, რაც ჯენიფერ ენისტონმა და ჯასტინ ტერუმ ნიშნობის შესახებ გამოაცხადეს, მაგრამ ამ დროის განმავლობაში არსად ჩანდა ნიშნობის ფაქტობრივი მტკიცებულება.

ჰოლივუდის პაპარაცებს არაერთი ნიშნობის ბეჭედი უნახავთ, თუმცა ჯენიფერის ნიშნობის ბეჭედმა ყველა სხვა ბეჭდის ბრწყინვალება დაჩრდილა. იგი უზარმაზარი ბრილიანტის თვლითაა შემკული.

პაპარაცებმა წყვილი სანტა-ფეში შენიშნეს. ჯასტინი და ჯენიფერი ქალაქის ქუჩებში სეირნობდნენ. ორივე ძალიან ბედნიერი ჩანდა. ჯენიფერის მოსიყვარულე სახისა და ბრილიანტის ბეჭდის გათვალისწინებით, მედიაში ვარაუდობენ, რომ მალე ჰოლივუდში გრანდიოზული ქორწილი გაიმართება.

მომზადებულია spletnik.ru-ს მიხედვით.