ავღანეთის პრეზიდენტი ნატო-ს ბავშვების მკვლელობაში ადანაშაულებს
ავღანეთის პრეზიდენტმა ჰამიდ კარზაიმ ქაბულში გამოსვლისას დაგმო ნატო-ს უკანასკნელი სპეცოპერაცია, რომლის შედეგად მშვიდობიანი მოსახლეობა, მათ შორის ოთხი ბავშვი დაიღუპა. აღმოსავლეთ ავღანეთში, ლოდარის პროვინციაში ჩატარებულ ნატო-ს სპეცოპერაციას, პრეზიდენტის ადმინისტრაციის განცხადებით, ემსხვერპლა ოთხი უდანაშაულო ბავშვის სიცოცხლე, რომლებიც საქონელს მწყემსავდნენ.
მშვიდობიანი მოსახლეობის სიცოცხლის ხელყოფაზე ნატო-სა და ავღანეთის მთავრობას შორის დაპირისპირება უკვე დიდი ხანია მიმდინარეობს "მიუხედავად ნატო-ს მხრიდან მრავალი დაპირებისა, უდანაშაულო ადამიანები, მათ შორის ბავშვები, კვლავაც იღუპებიან" - განაცხადა პრეზიდენტმა კარზაიმ.
თავის მხრივ, ნატო აღიარებს, რომ 20 ოქტომბრის სპეცოპერაციას რამდენიმე მშვიდობიანი მოქალაქის სიცოცხლე ემსხვერპლა. დაღუპულთა ოჯახებს ნატო-ს ჯარების მთავარსარდალმა ავღანეთში, გენერალმა ჯონ ალენმაც მიუსამძიმრა. "ავღანეთის მშვიდობიანი მოსახლეობის დაცვა ჩვენი მისიაა. ყოველ ღონეს მივიღებთ, რათა მომავლისთვის მსგავსი შემთხვევების მინიმიზება მოვახდინოთ", - ნათქვამია ISAF-ის ოფიციალურ კომენტარში მომხდართან დაკავშირებით.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
