მადონა Pussy Riot-ის ლოგოტიპიან მაისურებს ყიდის
მომღერალმა მადონამ რუსული პანკ-ჯგუფი Pussy Riot-ის ლოგოტიპიანი მაისურების გაყიდვა დაიწყო. მათი შეძენა მომღერლის საიტზე და ინტერნეტ-მაღაზიაშია შესაძლებელი. მაისურების ღირებულება 19,95 დოლარია.
ამჟამად, მადონა კონცერტებს ალბომ "MDNA"-ს მხარდასაჭერად მართავს. ალბომი 2012 წლის მარტში გამოვიდა. ტურის ფარგლებში მომღერალმა რუსეთში ორი კონცერტი ჩაატარა. მოსკოვში გამოსვლის დროს მადონამ განაცხადა, რომ Pussy Riot-ის დაპატიმრებული წევრების თავისუფლებისთვის ლოცულობს, ხოლო სიმღერა "Like a Virgin"-ის შესრულებისას Pussy Riot-ის ნიღაბიც კი გაიკეთა. გარდა ამისა, მადონას ზურგზე "Pussy Riot" ეწერა.
მოგვიანებით, მადონამ საკუთარ საიტზე განცხადება გამოაქვეყნა, რომელშიც ნათქვამია, რომ იგი Pussy Riot-ისთვის დაკისრებულ სასჯელს არაჰუმანურად მიიჩნევს.
Pussy Riot-ის სამ წევრს 17 აგვისტოს მოსკოვის ხამოვნიჩის სასამართლომ მაცხოვრის ტაძარში მოწყობილი აქციისთვის 2 წლით თავისუფლების აღკვეთა შეუფარდა.
მომზადებულია lenta.ru-ს მიხედვით.
სალომე ჭაჭუა უცხოეთში მიემგზავრება - რომელი ქვეყნის "ცეკვავენ ვარსკვლავებში" გამოჩნდება მოცეკვავე
"სადაც არ უნდა ყოფილიყო, ყოველთვის სახლში ბრუნდებოდა... თბილისში..." - რას წერს გენიალურ კომპოზიტორზე ხელოვნებათმცოდნე
