კრწანისის სასწავლო ცენტრში რიგითი მამედ გულუევი გარდაიცვალა
კრწანისის სასწავლო ცენტრში სამსახურებრივი მოვალეობის შესრულებისას რიგითი მამედ გულუევი გარდაიცვალა.
თავდაცვის სამინისტროს ინფორმაციით, 12.00 საათისთვის, წვევამდელი გულუევი პოლიგონზე სამსახურებრივ შემოვლას აწარმოებდა, როდესაც მან საბრძოლო მასალა შენიშნა. წინასწარი მონაცემებით, ის ჭურვის დაშლას თვითნებურად შეეცადა.
"მის მიერ გამოჩენილი გაუფრთხილებლობის გამო ჭურვი მოქმედებაში მოვიდა და აფეთქდა. მამედ გულუევი ადგილზე გარდაიცვალა. შემთხვევის ადგილზე მალევე შეიარაღებული ძალების ხელმძღვანელობა და ექსპერტ-კრიმინალისტთა ჯგუფი მივიდა. გარდაცვალების ზუსტ მიზეზს გამოძიება დაადგენს. რიგითი გულუევი სამი თვეა, რაც საქართველოს შეიარაღებულ ძალებში მსახურობს", - ნათქვამია სამინისტროს განცხადებაში.
უწყება უბედური შემთხვევის გამო ღრმა მწუხარებას გამოთქვამს და დაღუპულის ოჯახს უსამძიმრებს.
"ტელეფონი დავამტვრიე, ჩემები რომ დამირეკავდნენ, რუსს არ ეთქვა: აქ ბევრი მკვდარია, თქვენ რომელი გინდათო..." - შინდისის ბრძოლას გადარჩენილის ნაამბობი
83 წლის მამაკაცი, რომელიც კახეთში პოლიციელებს თავს დაესხა, გირაოს სანაცვლოდ გათავისუფლდა
