ჯენიფერ ენისტონისა და ანჯელინა ჯოლის ქორწილებზე სკანდალს ელიან

მსახიობები ჯენიფერ ენისტონი და ანჯელინა ჯოლი ერთმანეთს დაგეგმილი ქორწილის გამო ემტერებიან. როგორც ვარსკვლავების მეგობრები ამბობენ, ანჯელინა და ჯენიფერი ერთმანეთის ჯიბრზე ეპატიჟებიან სელებრითებს, თუმცა ამ შემთხვევაშიც ენისტონმა იმარჯვა - მოსაწვევი ჰოლივუდის 100 ყველაზე გავლენიან ვარსკვლავს, მათ შორის ჯონი დეპსა და ჯორჯ კლუნის უკვე დაურიგდა.

ქალბატონები ერთსა და იმავე თვესა და რიცხვში გეგმავენ ქორწილს და თუკი რომელიმე მათგანი თარიღს ცვლის, მეორეც ასე იქცევა. მაგალითად, ანჯელინამ საჯაროდ განაცხადა, რომ თეთრი კაბით მხოლოდ პარიზში იქორწინებს, ჯენიფერმაც ქორწილის ორგანიზატორები საფრანგეთში დაიბარა. ანჯელინა "მეგობარს" ჩანაფიქრს მიუხვდა და გეგმები სასწრაფოდ შეცვალა. ვარსკვლავების მეგობრები სწუხან, რომ დიდი შანსია, ქორწილებმა სკანდალით ჩაიაროს.

ამჟამად ანჯელინას ჯენიფერთან მეტოქეობისთვის არ ცხელა, მთავარი პრობლემა სადედამთილოა, რომელიც მასთან ჩხუბს ქუჩაშიც არ ერიდება. ანჯელინას რთულ ხასიათზე ხშირად საუბრობენ ჰოლივუდში, ერთი არასწორი სიტყვა და დიდი შანსია, მსახიობმა ფილმში მონაწილეობაზე უარი თქვას - გარდა ამისა, ვარსკვლავიც ხშირად აცხადებს, რომ მეგობრები არ ჰყავს და მასთან ახლო ურთიერთობას ყველა გაურბის.

მომზადებულია showbizspy.com-ის მიხედვით.