ამანდა სეიფრიდი კომპლექსებს ალკოჰოლით ებრძვის

ამერიკელი მსახიობი, მომღერალი და ყოფილი მოდელი ამანდა სეიფრიდი აღიარებს, რომ ინტერვიუების ჩაწერისას ყოველთვის მთვრალია.

მართალია, ჰოლივუდის ვარსკვლავები გამუდმებით ვიდეოკამერების გარემოცვაში არიან, მაგრამ ინტერვიუს დროს მაინც ღელავენ. ამანდა სეიფრიდს კომპლექსებთან ბრძოლის საკუთარი მეთოდი აქვს. მისი თქმით, ინტერვიუს დროს ფხიზელი არასდროს ყოფილა.

"ახლაც მთვრალი ვარ. ვისკი ძალიან მიყვარს", - განუცხადა გუშინ სეიფრიდმა რეპორტიორებს ლოს-ანჯელესის აეროპორტში. მსახიობი ასევე აღიარებს, რომ ზოგჯერ შიშის შეგრძნებით იტანჯება.

ამანდამ სამოდელო კარიერა 11 წლის ასაკში დაიწყო, 17 წლის ასაკში კი დაასრულა.

მომზადებულია story.com-ის მიხედვით.